Lyrics Sar Jalaingay - Abrar Ul Haq

Sar jalayen gay roshni ho gi
Us ujalay men faislay hongay
Roshnai b khoon ki ho gi
Aur wo faqa kash qalam jis men
Jitni cheekhon ki dastanen hen
Un ko likhnay ki arzoo ho gi

Sar jalayen gay roshni ho gi
Us ujalay men faislay hongay
Sar jalayen gay roshni ho gi

Na he lamha qarar ka ho ga
Na he rasta farar ka ho ga
Wo adalat gareeb ki ho gi
Jaan atki wazeer ki hogi

Sar jalayen gay roshni ho gi
Us ujalay men faislay hongay
Sar jalayen gay roshni ho gi

Jis ne bechi hai qalam ki taqat
Jis ne apna zameer becha hai
Jo dukanen sajaye bethay hen
Jis ne becha azaab becha hai
Muflison ko saraab becha hai
Deen ko be hisaab becha hai
Kuch ne roti ka khawab becha hai
Ab kis tarah kahen hum
K qom ne khud ko
Kis taraha
Bar bar becha hai
Kis taraha
Bar bar becha hai

Sar jalayen gay roshni ho gi
Us ujalay men faislay hongay
Sar jalayen gay roshni ho gi

Faiz -o- iqbal ka parosi hun
Ek tarap maray khoon men b hai
Aankh men silsila hai khawabon ka
Ek mehak maray chaarsoo b hai
Jhoonpari k naseeb badlen gay
Phir kahin inqilaab aye ga
Beth rehnay se kuch nahin ho ga
Aik din inqilaab aye ga
Inqilaab...