Lyrics Shkran Al Azimi - Adonis

شكراً عالعزيمة
اصلاً ما كنت رح اقدر طل
مرتبط بموعد شغل
بس شكراً عالعزيمة
شكراً عالعزيمة ، شكراً عالعزيمة
اوعي تحس حالك غلط
اصلاً قالولي بالغلط
إنك عازم نص البلد
إن شاء الله ما نسيتني قصد
بس أنا بفضل يكون قصد
عن إنو نسيتني بالغلط
و شكراً عالعزيمة، شكراً عالعزيمة
المرة الجاية بوعدكن رح طل
إن شاء الله الفرحة ما بتقل
بس أنا صاير بسرعة بمل
من زحمة هالمدينة
كنا اتنين، وهلا صرنا كل واحد بعزيمة
كل واحد بعزيمة
شكراً عالعزيمة، والله ماقصدي احكي بسم
وإنت أول من يعلم، إني طول عمري بشيل الهم
إن شاء الله تتهنوا بالأكل
بعرف اكلاتو غير شكل
و لما المعازيم تفل، و لما المعازيم تفل
و لما المعازيم تفل، بعترفلك بالهزيمة
المرة الجاية بوعدكن رح طل
إن شاء الله الفرحة مابتقل
بس أنا صاير بسرعة بمل
من زحمة هالمدينة
كنا اتنين، و هلأ صرنا كل واحد بعزيمة
كل واحد بعزيمة.
شكراً عالعزيمة
اصلاً ما كنت رح اقدر طل
معجوق و عندي كتير شغل
بس شكراً عالعزيمة
كانت قعدة عظيمة
مشكور عالعزيمة