Lyrics Kedba - Ahmed Kamel

أنا في ريح الهم متكسر وشراعي دايب دوب
أنا في ريح الهم متكسر وشراعي دايب دوب
وكل يوم بقول هقدر
وكل يوم بقول هقدر
وكل يوم بقول هقدر وعين قلبي ماداقت نوم
قالولي بص للنص المليان فاببتسم
جوايا عشت كتير حاجات أكبر من عمري كانت سبب في أذايا
وحيد في البيت في وسط عيلتي أب وأم و3 أخوات أكبرهم أنا محدش فيه فهمني
السر إتدفن بيني وبينك
تسمع غنايا كل يوم بكبر أكتر في عينك (عينك)
نفسك تشوفني وده هايرضيك في كل يوم الساعة 6 الليل جامعني بيك
الناس دى ضلمة وياما كدبوا
بشيل جوايا عتاب عشان ماخسرش حد بحبه
سري اللى ياما دفعت ثمنه زعل في الحنين بنتوه علشان مابيربطناش بزمن
أحاول أكره، بعشق أكتر
أحاول أبعد، كل مرة بلاقي نفسي بقرب
الدنيا دابحة فيك متدمر
بضحك وأنا بحكيلك حزني عشان مابقاش يأثر
وبدعي الله، وبدعي الله يكون حسبي يفك الكرب
أنا في الأرض، أنا في الأرض
أنا في الأرض ماليش غيرك يا رب
أنا في الأرض ماليش غيرك يا رب
ولا عايز حما
إزيك أنا عارف إنك سامعة
مبقيتش عارف أفرح لما أفتكرك ولا هابكي عشان مش راجعة
قلبي الوحيد مكسور وإترمى
وكل شىء في غيابك يبقى كويس إلا أنا
يا أبويا يا أمي يا أخويا يا ابن دمي
شيلوا عني همي مش تزيدوا جراح تقتلني
جوايا حزن وألف حكاية في كل مرة بحزن بمسك نفسي وأنا بتقطع من جوايا (ياااه)
ببكيلك دمع يخلي القلب إتعمى
تبات وحيد تحزن عليك السما
تايه مالكش رجوع بتعيش أيامك من غير أمل
كل يوم بتموت وبرضوا بتسأل نفسك إيه العمل
ببكي ماعرفش ليه لكني ببكي
لو كان لي راحة في نوم أهو كان ريحني
الظهر محني وخوفي أكون لوحدي خلى النوم يطير من عيني وكل دول سابوني ببكي
ولا عايز حما غيرك يا رب الكون
ولا عايز حما غيرك يا رب الكون
ولا عايز حما غيرك يا رب الكون
ولا عايز حما غيرك يا رب الكون
وبدعي الله
(ببكي)
ولا عايز حما غيرك يا رب الكون