Lyrics Paseniño, Paseniño - Amancio Prada

Paseniño, paseniño
Vou pola tarde calada
De Bastabales camiño.

Paseniño, paseniño,

Camiño do meu contento;
I en tanto o sol non se esconde
Nunha pedriña me sento.

E sentada estou mirando
Como a lua vai saíndo,
Como o sol se vai deitando.

Cal se deita, cal se esconde
Mentras tanto corre a lua
Sin saberse para donde.

Para donde vai tan soia
Sin que aos tristes que a miramos
Nin nos fale nin nos oia.

Que si oira e nos falara,
Moitas cousas lle dixera,
Moitas cousas lle contara.

Paseniño, paseniño
Vou pola tarde calada
De Bastabales camiño.

Paseniño, paseniño,