Lyrics Zaynab Bent Al Rassoul - Angham

طلب إيديها إبن الربيع
فرحت خديجة بالخبر
سيدنا النبى قال للجميع
إدونى مهله للنظر

أنا بنتى بكريه وخجول
وإلهى ينور عقلها
والرأي ليها لو تقول
وأدونى فرصة أقولها

زينب توافق على الجواز
وكل شىء قسمة ونصيب
وبعد ما يجيبوا الجهاز
بتروح على بيت الحبيب

الوحى ينزل على الرسول
وفى مكة بتطير العيون
جوزها بيرفض دعوته
وزينب بتبكى من الذهول

جوزها يقول مش متهم
وأبوكى كان صادق أمين
لكن عشانك هتظلم
وأنا دينى دين المشركين

الله أعلم بالمصير
فى بدر كان جوزها اسير
تفديه بعقد أمها
وسيدنا الرسول بيوصى خير

صلوا وسموا وكبروا
برق قلبه يحرروا
يخلى سبيلها ويوعدوه
بعد الرسول ما خيره

إبن الربيع راح عندها
بيستجير ويودها
سيدنا النبى بيكرمه
أموال قريش بيردها

جالك الفرح وهتسعدى
وإبن الربيع بيهتدى
قال لا إله الا الله
وسيدنا محمد سيدي