Lyrics V-neck - Aras feat. FEDE

بۆرێ مەلە
شێعرە:#خەمیار_هەورامی
دەنگ:#ئاراس_ئاژەند
وەختێ دەسوو وایەو گەڵا ئاما سەما بۆرێ مەلە
بێ شەک بیەی تۆ مەڵهەما پەی ئی خەما بۆرێ مەلە
داخێنێ تەقنا ڕۆمەتوو سووروو هەناری نیمە شەو
پایێز چەنی بێ تاقەتی پەی من سەما بۆرێ مەلە
بەشکەم بەسێحروو ئادەسا گەرمی وزی شاروو جەسەی
تاکەی بە تاسەو دیدٚەنی هەرسەو چەما بۆرێ مەلە
چن مێوە دەیمەو سەرکەلی داخێ وەروو تا بۆ شەراب
چانەی زیاتەر پەی دیەی من تاسەما بۆرێ مەلە
زانی کە مووسیقی خەمێ وەختا بدٚۆ ڕیشەو دڵی
سازوو خەزانی دوور جەتۆ حەر ماتەما بۆرێ مەلە
ماچانێ پایێز عاشقا ئانەن پەڕا بێ تاقەتی
بڕیان جە یاری پەوکەتێ خاتر جەما بۆرێ مەلە
پایێز هەن و تا یانەکەت زردٚە گەڵا باست کەرۆ
من بە خشەو دەنگوو گەڵای چن ورکەما بۆرێ مەلە

#موسیقی_فاخر