Lyrics Stell Dir Vür - BAP

Stell dir vüür, du wöörs em Wald un hätts en Axt bei. Stell dir vüür, ding Frau wöör och dobei. Stell dir vüür, ne Kääl köhm, jöhv ihr Schokolädche, dä tröök e Mezz eruss un jing ihr an de Bein. Jo, wat däätste dann? Däätste maache Mann? Saach mer, wehrste dich? Oder leetzte dann ding Frau em Stech? Eeztens nöhm ich mir ens flöck dat Schokolädche Zweitens däät ich waade, bess hä fädisch wöör Drittens künnt ich en dä Zick paar Christbäum schlaare Viertens köhm am Eng do optisch jet bei römm. Fünftens däät ich dann, en sein rauche Mann denn: Sextens suwiesu wöör ich se quitt un dann wöhr ich fruh. Stell dir füür, do jings spaziere op der Huhstrooß unger dingem Ärm hättste e MG. Stell dir vüür, do leef op eimohl einer Amok ballet en de Lück, met enem Jewehr. Jo, wat däätste dann? Däätste maache Mann? Saach mer, wehrste dich? Oder leetzte dann die Lück em Stech? Eeztens jing ich dann ens flöck nohm "Foto Porst" renn, für en neu Kasett für ming Polaroid. Zweitens däät ich dann de Bildzeidung ahnroofe für ′ne Exklusivbericht op Seite eins, drittens däät ich dann och ens laade, Mann, viertens frank un frei triff einer nit esu vill wie zwei. Stell dir vüür, do sitz doheim en dingem Jaade, nevven dir do stünd e Flugabwehrjeschütz, bovven en der Luff, do köhm e russisch Fluchzeuch, dat will en H-Bomb schmieße, eh et sich verdröck. Jo, wat däätste dann? Däätste maache Mann? Saach mer, wehrste dich? Oder leetzte dann ding Stadt em Stech? Ich jläuf, do däät ich eez e Stündche drövver schloofe, dann reef ich ming Fründe ahn, noh der Reih: "Saat Männ, künnt ihr mir ens jraad ming Kanon ahnschiebe helfe?" un dann köhm ich he bei dä Kommission vorbei. Kreiswehrersatzamt wööt dann ömjelapp un et wöör vorbei met dä affjewichste Frorerei.