Lyrics Aba Kanaval - BIC

Apre ansiklopedi tout mo sal yo
Apre anba ti vant kout yayad yo
Apre atis k'ap detui atis parèy yo
Kisa kanaval pote pou peyi sa a?
Apre djaz ki gen cha men ki pa gen tèt kamyon
Apre tèt kamyon k'ap pèdi fren
Ronm, kann ki fè'l, stann byè kòktèl Wiski lyann bande Nouvote tranpe nan bouyi vide

Apre Kèlke baf, Kèlke paf
Apre pwojè k' monte ak Kèlke saf
Apre separasyon ak Kèlke staf
Kisa kanaval pote pou peyi sa a?

Si se pou n montre wotè sitadèl la
Wi n'ap vote, on sèl kout kle
Si se poun montre bèl koule Jakmèl yo
Wi n'ap vote, yon sèl kout kle
Si se poun montre kilti ak fyète nou

Men si se sam wè la m ap di
ABA! ABA! ABA!
Aba kanaval kap kòche zòrèy pitit fi m' yo
ABA! ABA! ABA!
Kanaval ki pa panse pou moun enfim yo
ABA! ABA! ABA!
Animatè k'ap bare bèl kanaval yo
ABA! ABA! ABA!
Pwomotè k pran atis pou pla sandal yo

Apre ansiklopedi tout mo sal yo
Apre anba ti vant kout yayad yo
Apre atis k'ap detui atis parèy yo
Kisa kanaval pote pou peyi sa a?
Apre djaz ki gen cha men ki pa gen tèt kamyon
Apre tèt kamyon k'ap pèdi fren
Ronm, kann ki fè'l, stann byè kòktèl Wiski lyann bande Nouvote tranpe nan bouyi vide

Si se pou vann atizana lokal yo
Wi n'ap vote, yon sèl kout kle
Pou ankouraje pwodiksyon nasyonal yo

Si se pou n montre lemonn
Sa nou gen kòm valè, m' dakò ak kanaval Men si se pou sa n'ap fè la m'pap bouke di
ABA! ABA! ABA!
Atis la annik site tèm kanaval
Li panse se sijè a li trete
ABA! ABA! ABA!
Lèw fè sa, se kanaval ou maltrete
ABA! ABA! ABA!

Bon lonje men w PLA!
Vini lonje men w PLA!
ABA! ABA! ABA!
Wa sonje m' te tape'w pou sa pou pa fè'l ankò
ABA! ABA! ABA!
On kanaval san touris
ABA! ABA! ABA!
Men ki chaje ak Tourista
Ababila! ABA! ABA! ABA!
Ane sa a
Black Easy pap la Pou li ba nou bèl plezi
Priye pou li fèmen sèkèy la, kitel ale
Men lòt Black la te gentan kite yon mesaj
Si n' vin nan kanaval la se pou nou ka danse
Si'n vin nan kanaval se pou kè nou kontan Sin vin nan kanaval la Leve 2 men anlè
Black Easy, Alex, Kanaval sonje nou
! ABA! ABA! ABA!
M poko Ay! Odepeint gwoup konstriksyon
ABA! ABA! ABA!
Tann mwen, m'pral nan Secret de la vie
ABA! ABA! ABA!
Apre sa, Rèv sinema tèt dwat
ABA! ABA! ABA!

Nan tou wòch mwen te ye Yo voye rele mwen
O! men koudjay pran beton an
O! Nan Sèkèy mwen m'kouche M'tande yap chante mwen
O! men koudjay pran beton an
O! Nan simityè a m'ye m' tande y'ap fredone mwen
O! men koudjay pran beton an O!

Man Lolo!
ABA! ABA! ABA!
Se mwen ankò
ABA! ABA! ABA!
BIC Tizon dife
Atis k ap ranpe pou moute cha yo
ABA! ABA! ABA!
Cisco, Pawòl tanbou Master Luck,
Klip Studio bit la
Kote ti rasta, ti batè ak ti gato
Di Kenken al di Orloff Poze nèt...
Tizon Dife recordz