Lyrics Maztoul - Balti

و القاور راو يدور و الراس معمّر طولْ
بالحاكم بالمحكوم لي والا راو مزطول
و القاور راو يدور ، كاشية و لالكول
بالمواطن بالمسؤول اليوم لي والا راو مزطول

شبعونا بالطرافيك ، شبعونا بالتنيفيق
و لي يسيّر في هاذ البلاد آم دعاولو بالتوفيق
مالا باه الناس تفيق بلّي كلهم تاع مصالح
سقسي القايد واحد ما بقى صالح
الحكومة غير الجد و الجدة
و لي يسيٍّر فيهم جملة تشوفو جامد كيما الجثة
الشبيبة راهي جالدة في الغربة انسطاليي
مسؤولهم في فيترينا كيما الكور تاع ستالين
يهبلو المعلمين و العمال في البحث العلمي
و يحبّوا الرّقاصات و العريانين كيما ليلى علوي
بلادنا يا ولد عمّي بلاد مليون و نص مليون شهيد
هوما يشوفو فيها بلاد نليون و نص مليار في الجيب
عاديكا في النهاية ندعيلهم بالهداية
حكومة تحب الهدايا و الشيتة هي الهواية
و الجون آو في هاوية ، مسكين ديما حزين
يحلم بالبارتمون في باري تاع بنت الوزير

و القاور راو يدور و الراس معمّر طولْ
بالحاكم بالمحكوم اليوم لي والا راو مزطولْ
و القاور راو يدور ، كاشية و لالكولْ
بالمواطن بالمسؤول اليوم لي والا راو مزطولْ
و القارو راو يدوُوووُووُووور ، هنّي روحـــك يالزوالي مــن الهمـومْ
و القارو راو يدوُوووُووُووور ، و الحـــكومة جابتلـــكـــــم الحلــــولْ
و القارو راو يدوُوووُووُووور ، شوية زطلة شوية كيف شوية كحولْ
و القارو راو يدوُوووُووُووور ، السلـطات راهـــي قايمة بالأمــــــورْ

السياسة خلّطتوها ، العربية غبرطتوها
و عـ لّخر جبتون الخمر باه الخاوة يخبطوها
مالا بحق رسولنا طه ، و إلهنا لي هزم أبرهة
عنّابة لا شبعت زطلة قولوا ربّي عيّش باها
آو غير أخطينا من البعير
في بلادنا تعود زعيم لكان تركع للسعيد
و الجون آو بعيد حاب الفيزا و التأشيرة
أخطينا من الحكومة ياك ريحتها كي التقشيرة
جابولك قارو شيرة باه تنسى الشي لي فات
واش حا يجيك من برلمان تعمّر غير بالحفافات
حياتهم الكل فنات باه الكرش تعود منفوخة
اليوم قصر الحكومة ولّى مركو للشيخوخة
و أنايا تجيني الدوخة ، وزراة الشؤون
ما تهدر عـالفجور لا عـالشراب لا عـالشذوذ
مشروع تاعهم مشكوك ، شبعونا بالمقروط
حبّوا أمة محمد يرجعوهم قوم لوط

و القاور راو يدور و الراس معمّر طولْ
بالحاكم بالمحكوم اليوم لي والا راو مزطولْ
و القاور راو يدور ، كاشية و لالكولْ
بالمواطن بالمسؤول اليوم لي والا راو مزطولْ
و القارو راو يدوُوووُووُووور ، هنّي روحـــك يالزوالي مــن الهمـومْ
و القارو راو يدوُوووُووُووور ، و الحـــكومة جابتلـــكـــــم الحلــــولْ
و القارو راو يدوُوووُووُووور ، شوية زطلة شوية كيف شوية كحولْ
و القارو راو يدوُوووُووُووور ، السلـطات راهـــي قايمة بالأمــــــورْ

حبّوا الجزايري يبقى مْخذّرْ ، كل يوم يعيش مْخمَّرْ
حبّوه مسكين يتغبّرْ هك ما يخدم ما يتخدّمْ
هاذو صحاب القرار قالوا للفقراء
قارورة ورا قارورة باه نضمنوا الاستقرار
الوزير لي يجي يفشلنا ، هوما عايشين في الجنة
الشبية آي في الشوماج تصبّر روحها غير بالشمة
الدعوة راي مخلطة ، جابولنا دُرك الخطّة
آم حبّوا الرجال الكل في هاذ البلاد تولّي خنثى
مالا حرّك المرميطة! حرّك حرّك حرّك
حرّك في بلاد الغاز و البترول الشعب محرّم
مالا حرّك المرميطة! حرّك حرّك حرّك
حرّك جيبلو القهوة باش يبان زعمة يتحرّك
مالا حرّك المرميطة! حرّك حرّك حرّك

و القاور راو يدور و الراس معمّر طولْ
بالحاكم بالمحكوم اليوم لي والا راو مزطولْ
و القاور راو يدور ، كاشية و لالكولْ
بالمواطن بالمسؤول اليوم لي والا راو مزطولْ
و القارو راو يدوُوووُووُووور ، هنّي روحـــك يالزوالي مــن الهمـومْ
و القارو راو يدوُوووُووُووور ، و الحـــكومة جابتلـــكـــــم الحلــــولْ
و القارو راو يدوُوووُووُووور ، شوية زطلة شوية كيف شوية كحولْ
و القارو راو يدوُوووُووُووور ، السلـطات راهـــي قايمة بالأمــــــورْ