Lyrics Khaliha 3la Rabi - Balti

مخنوڨ تحب تصيح وحد ماهو حاسس بيك
وراقك هازها الريح تحب تاڨف على ساڨيك
تحب ترضي ربي وتحب ترضي والديك
تحب تلم تعبي أما ما لڨيتش في يديك

تحب تتكلم تڨول: "مانا ڨلنا الحالة مالا"
احنا نلموا بمغرفة هوما يلموا بالبالة
تحب تفرح الشايب، العزوزة والخالة
قريت، قريت، قريت، ما لڨيت كان البطالة

غارڨ في كريديات، حومة غارڨ للعنكوش
مديرين فالبيروات، ما رباو كان الكروش
في بلادي ما سمعكشي، يحبوك تعيش بكوش
لا خالط على دويرة، لا مرية، لا باكو كوش

المرية إلي حبيتها إلي تمنيتها في الحلال
ڨعدت تمني فيها غدوة تتبدل الأحوال
كنتوا راي وموجيرة يخي كلاهالك كوال
والدنيا طرح شكبة في طاولة ڨسمتها رجال

في بلاد التارارني، خليها على ربي
حومة ڨول معايا وغني "خليها على ربي"
ربي ما يخيبلي ظني، خليها على ربي
بايت ماكش متهني، خليها على ربي

خليها على ربي
خليها على ربي
خليها على ربي
خليها على ربي

فالبلاد حابسة وتمركي والدولار ماهوش يدور
ذيب نسناس ولا صيد بارك بيناتهم لازمك سنڨور
في بلاد البص والفيس يا حومة لڨيت روحك محڨور
تحب تڨلب المناظر يا الطيارة يا البابور

طيح تنفض سروالك تاڨف تحب تعمل مشروع
ما لڨيت كان إلي... ما يحفر كان الجربوع
ما سالوش على أحوالك، من أڨرب الناس ملكوع
خلي ربي في بالك يا حومة الطايح مرفوع

تحب إنت والمرا تعيشوا أمير وأميرة
إنت على موبيلات، هي تحب الباناميرا
هي بدلت اللحير وإنت بدلت اللحيرة
هي طاحت... وإنت طحت بفقيرة

تخزر للمرايا تشوف في راسك الشيب
معبي راسك شيخة أما ما عبيتش جيب
بين الناس أذية حومة ما لڨيتش نصيب
والدنيا مرة بمرة، مرة تصيب ومرة تخيب

في بلاد التارارني، خليها على ربي
حومة ڨول معايا وغني "خليها على ربي"
ربي ما يخيبلي ظني، خليها على ربي
بايت ماكش متهني، خليها على ربي

خليها على ربي
خليها على ربي
خليها على ربي
خليها على ربي

ناس المخنوڨة تستنى في نفس جديد (prr, prr)
في بلادي الأحلام مسروڨة تشوف في المستقبل بعيد
نهار سردوك وعشرة عتوڨة لـ لميتونا عبيد
سرڨونا بدوڨة بدوڨة، هما ملوك واحنا عبيد (skrt)

لا ربي يخليها مدام حاميها حراميها
ماليها تكلم ماليها مدام الشايب فينا منسيها
الرخلا لا لا لا لا لا لا
الرخلا لا لا لا لا لا لا

في بلاد التارارني (في بلاد التارارني)
حومة ڨول معايا وغني (حومة ڨول معايا وغني)
ربي ما يخيبلي ظني (ربي ما يخيبلي ظني)
بايت ماكش متهني (بايت ماكش متهني)

في بلاد التارارني، خليها على ربي
حومة ڨول معايا وغني "خليها على ربي"
ربي ما يخيبلي ظني، خليها على ربي
بايت ماكش متهني، خليها على ربي