Lyrics Luntanu - Barbara Furtuna

Luntani sò i marinari da li paesi
Chì si ne vanu nant'à i battelli per sette mesi
Andati sò i sò vascelli nant'à i mari
È si lascionu basgi saliti è sti filari

Luntani sò i marinari è e so moglie
Anu lu core à l'appollu nant'à lu molu
Luntanu, luntanu

È quandu u portu pianu pianu s'allutana
Tandu ùn si tene libecciata o tramuntana
Passu sicuru l'andarini aggalabati
In altu mare per sette mese sò andati

Andati sò i marinari
Per ritruvanne i so pari
Luntani sò i so batelli
Da fà sunnià vechji è zitelli
Luntanu, luntanu

Quand'ella hè ora di dà capu à un marone
Ci ne serà omi di sanna à lu timone
Affaccendati in lu balcheghju notte è ghjornu
È per San Teramu un'offerta à lu ritornu

In core di li marinari, partuti à scopre mondi è mari
Si piatta un secretu destinu chì voga nant'à u turchinu
Ma in li sogni più prufondi, solcanu torna mari è mondu
In la timpesta o la stutata, l'onda diventa a so spusata.