Lyrics D‘Wand - Bligg

Ich bin so gar nöd entspannt
Z'viel Frage im Schrank
Ich red mirs vo der Seel oder besser gseit a d'Wand
Zum Bispil de Gstank und d'spiel vo de Bank
Zum Bispil mis Ghalt, zum Bispil dr Trump
Gwüssi Tierbestand, sterbe vom Wald
Oder d'Politik da bi öis i dem Land
Dr Klimazuestand, di Staatlichi gwalt
E Antwort uf e Frag isch nöd würkli z'viel verlangt!

Ich red ane Wand und si bringt mich an Rand
Isch glich was ich säg und wie gross d'Relevanz
Egal wie Wortgwandt, si blibt ignorant
Und laat alli Frage offe ohni Resonanz

Ich red ane Wand und si bringt mich an Rand
Isch glich was ich säg und wie gross d'Relevanz
Egal wie Wortgwandt, si blibt ignorant
Und laat alli Frage offe ohni Resonanz

Da lauft allerhand, verchert i dem Land
Spannig lieht i der Luft, frög der Demonstrant
Pädophili Hand, Täter unbekannt
Theme sind bekannt und der Boge überspannt
Provokant isch de Wasserbestand
Kontrolliert und reguliert, vom Wirtschaftsgigant
D'Pharmaindustrie, nutzt öisi Angst
U macht ä Gelddruckmaschine usem menschliche Probant

Nerve lieget blank, so signifikant
D'suizidrate bhaltet dr Rekord i dem Land
Um jede Pris schlank, dr Druck macht Chrank
Nöd ume suscht isch d Jugend umhüllt vo grüenem Dampf
Mann die Wand isch arrogant, im ruhestand und ignorant
Ich stoss uf kei Akzeptanz, es chunnt zrugg wie'n Bumerang
Und während ich wuetentbrannt alles rüehr was ich han
Merki verdammt, da hangt en Spiegel a der Wand

Ich red ane Wand und si bringt mich an Rand
Isch glich was ich säg und wie gross d'Relevanz
Egal wie Wortgwandt, si blibt ignorant
Und laat alli Frage offe ohni Resonanz

Ich red ane Wand und si bringt mich an Rand
Isch glich was ich säg und wie gross d'Relevanz
Egal wie Wortgwandt, si blibt ignorant
Und laat alli Frage offe ohni Resonanz