Lyrics Alles hät sing Zick - Bläck Fööss

Alles hät sing Zick, doch wenn ich an morje denk
Dann bliev ich noch jet länger
Alles hät sing Zick, doch wenn dä schönste Augenbleck noch kütt
Wör et schad, wenn m'r schon jon

Nä, wat es dat für ne Ovend he
Su wor dat nit jeplant
Doch manchmol kütt et anders als m'r denk
En jode Zick met jode Lück
Un keiner will noh Hus
Un jeder föhlt he, dat es e Jeschenk

Unverhoff kütt off
Jrad dat mäht et su schön
Un keiner weiß, wat he hück noch passeet

Alles hät sing Zick, doch wenn ich an morje denk
Dann bliev ich noch jet länger
Alles hät sing Zick, doch wenn dä schönste Augenbleck noch kütt
(dä kütt bestemp)
Wör et schad, wenn m'r schon jon

Et weed spät un immer lauter
Jeschwaad un vill jelaach
Wä weiß, wann mir uns all he widder sin
Doch dann luurt einer op die Uhr
Un schöddelt singe Kopp
Die allerletzte Rund, die jeiht op in

Die hät hä en d'r letzte Stund
Et dritte Mol bestellt
Un jeder fröch sich, ov et dobei bliev

Alles hät sing Zick, doch wenn ich an morje denk
Dann bliev ich noch jet länger
Alles hät sing Zick, doch wenn dä schönste Augenbleck noch kütt
(dä kütt bestemp)
Wör et schad, wenn m'r schon jon

Un wenn dann et eetste Taxi kütt
Dann es et baal jeschaff
Drei vun uns, die sin ald durch de Dür (mir sin dann fott)
Doch ich muss janz woanders 'lans
Dröm bliev ich noch jet he
Et deit m'r leid, do kann ich nix doför

Alles hät sing Zick, doch wenn ich an morje denk
Dann bliev ich noch jet länger
Alles hät sing Zick, doch wenn dä schönste Augenbleck noch kütt
(dä kütt bestemp)
Wör et schad, wenn m'r schon jon

Alles hät sing Zick - mir blieve länger
Mir sin noch nit am Engk - jon nit noh Hus
Un wenn he noch jet passeet - mir blieve länger
Dann wör et vill ze schad, wenn m'r schon jon