Lyrics Su schön wie augenblecklich - Bläck Fööss

Eijeija, eijeija, eijeijeija
Eijeija, eijeija, eijeijeija

Häs du e paar Euro op d'r Bank, jespart für'n schlächte Zick
Säht dir ding Bank nur lapidar, nä, Zinse kriss de nit
Häs du nen Diesel, Pesch jehat, dat muss du doch verstonn
Dat die Chefs met 10 Millione fein in Rente jon.

Su schön wie augenblecklich, su schön wor et noch nie
Enä, wat sin mer jlöcklich, su'n Zick, die kütt nit mih
Su schön wie augenblecklich, su schön wor et noch nie
Enä, wat jeiht et uns doch jot, uns deit doch jar nix wih
Eijeija, eijeija, eijeijeija
Eijeija, eijeija, eijeijeija

Uns Klima es doch prima, su wärm wor et noch nie.
Un wenn et räänt, dann räänt et halt, nur hück e bessje mih.
De Renten sicher, Bildung top, Wohnraum deck un satt
Alles herrlich, wunderbar, mir han et nie su jot jehatt

Refrain: Su schön wie augenblecklich ...

Schampus, Lachs un Kaviar - alles ömesöns
Un jit et keine Kaviar - dann deit et och en Flönz!

Refrain: Su schön wie augenblecklich ...
Eijeijei - auwei, auwei, auwei!