Lyrics Di quali notti - Cesare Basile

Isunu turri
Cu lignu di furca
P'amministrari furtuna
'Mpistunu u cielu
Ccu 'ntinni e banneri
Fanu di terra jalera

Anu na vita
Ppi tutti e ppi nuddu
Cce cu la chiama catina
Cu sicci curca
E si susi sciancatu
C'è cu si rumpi a carina

Rici ca vinniru
Cu sapi quannu
Di quali notti e nuvena
E ccu ssu rici
Si munci la sorti
Comu na minna di rina

Ciuri di ciuri
Nozzula di carzarati
Ammatula piatiati