Lyrics La mauvaise réputation - Danyèl Waro

Dann mon kartyé pa pou fé lo fyon
Néna i koz si mwin an kouyon
Mon pat a tèr mon savat dé dwa
Zot i pran a mwin pou in fatr
Ou lé sir mwin moun mi anvaz pa pèrsone
Mi vann mon bazar sousou zariko zone
Soman domoun i inm pa poukwé
Ou i rant pa dann zot trin oté
Non va domoun i inm pa poukwé
Ou i rant pa dann zot trin oté
Tout domoun i bat la lang la
Park bann parlpa, zot i gingn pa

Lo zour la fèt Katorz Zilyé
Mi tatone dési mon zoryé
Zot mizik an larmé la lwa
Amwin mwin-la pala èk sa
Ou lé sir mwin moun mi anvaz pa pèrsone
Kinm mi akout pa zot kléron kan i sone
Soman domoun i inm pa poukwé
Ou i rant pa dann zot trin oté
Non va domoun i inm pa poukwé
Ou i rant pa dann zot trin oté
Domoun i amont a mwin lo dwa
Park la monyon, li na pwin lo bra

Kan mi wa in domi sapo blé
Po kour dèryèr in volèr lo vant lé kré
Mi pas in kal o bondyé sinyèr
Domi sapo blé i pèt a tèr
Ou lé sir mwin moun mi anvaz pa pèrsone
Kinm mwin la kit sap in volèr konkonm
Soman domoun i inm pa poukwé
Ou i rant pa dann zot trin oté
Non va domoun i inm pa poukwé
Ou i rant pa dann zot trin oté
Tout domoun i sot si mwin baya
Bann gongon d-ki, zot i gingn pa

Pa bézwin ou lé in gran swami
Pou war zot i vé bat mon mayi
Rod in kord wi zot noré trouv
Pann amwin mèt amwin dann trou
Ou lé sir mwin moun mi anvaz pa pèrsone
Mi fim pa zamal mi bwar pa lo ronm
Soman domoun i inm pa poukwé
Ou i rant pa dann zot trin oté
Non va domoun i inm pa poukwé
Ou i rant pa dann zot trin oté

Vèy pann amwin lo pé wa ni
Park bann zaveg, kan minm ladi