Lyrics Yarpaqlar Tökülür - Eldar Mansurov feat. Almaz Ələsgərova

Yarpaqlar tökülür ömürdən düşən
Al-əlvan fəsillər, boz illər kimi
Yarpaqlar tökülür, qara saçlarım
Ağarır saralan xəzəllər kimi

Yarpaqlar tökülür, çılpaq budaqlar
Başını qaldırıb göyə dikəldi
Göründü sinədən bozaran dağlar
Mənim də eşqimin payızı gəldi

Yarpaqlar tökülür, susub lal olur
Dağlardan süzülən ayna bulaqlar
Yarpaqlar tökülür, bir xəyal olur
O ötən əyyamlar, fərəhli çağlar

Yarpaqlar tökülür, saralır bütün
Örüşlər, cığırlar, yollar, yamaclar
Yarpaqlar tökülür, susur günbəgün
Dodağı nəğməli, səsli ağaclar

Yarpaqlar tökülür, çılpaq budaqlar
Başını qaldırıb göyə dikəldi
Göründü sinədən bozaran dağlar
Mənim də eşqimin payızı gəldi

Yarpaqlar tökülür, susub lal olur
Dağlardan süzülən ayna bulaqlar
Yarpaqlar tökülür, bir xəyal olur
O ötən əyyamlar, fərəhli çağlar
Yarpaqlar tökülür, susub lal olur
Dağlardan süzülən ayna bulaqlar
Yarpaqlar tökülür, bir xəyal olur
O ötən əyyamlar, fərəhli çağlar