Lyrics Rosa E Relosza - Elena Ledda

Sos lugores de sa die sunu serentes
Ma sa lughe in coro non torrat pius
Che un'anima so caminende a s'appartu
E non tocco nudda e nudda b'at

Cust'est s'ora! Su licore depet falare
In sa ula mea, in sa ula tua
Como est s'ora chi cust'amore depet dansare
Ca sa morte lu cumbidada

Durches oras, cando so isettende a tie
Tue non ses'inoghe e ses in tottue
Sola sola isetto chi pius non torret sa die
Ca s'ammentu mi iscurigada

S'est destinu, deo app'a morrer pro a tie
Sa resoloza m'ada a fagher ninnia
Chin anneu soe, lastimande a tie ebbia
Beneitta siat sa frama tua!

Cantos fiores morint in sa notte e in su nie
Ma sa rosa mia non narat tittia
Sos fiores ti pedint un'alenu 'e eddia
E laras a asare su sole

Mudu coro, como sun benzende a furare
Custu asu meu dae sas laras suas
Sa resolza sola ad a poder frimmare
Custu tempus chi no colat mai

Drommi rosa! Como no asa pius allizare
In su sonniu bola a s'abba sua
Nara'ilu chi non cheres fiorire a s'accua
Ca in sa lughe ses fiorida
Ca in sa lughe ses fiorida
Ca in sa lughe ses fiorida jà