Lyrics Chanterai Por Mon Corage - Estampie

Chanterai por mon corage
Que je vueill reconforter
Car avec mon grant damage
Ne vueill morir n′afoter
Quant de la terre sauvage
Ne voi nului retorner
Ou cil est qui m'assoage
Le cuer, quant j′en oi parler

Dex, quant crieront Outree
Sire, aidiez au pelerin
Por qui sui espoentee
Car felon sunt Sarrazin

Soferrai en tel estage
Tant quel voie rapasser
II est en pelerinage
Dont Dex le lait retorner!
Et maugré tot mon lignage
Ne quier ochoison trover
D'autre face mariage
Folz est qui j'en oi parler!

Dex, quant crieront
Sire, aidiez au pelerin
Por qui sui espoentee
Car felon sunt Sarrazin

De ce sui en bone atente
Queje son homage pris
Et quant la douce ore vente
Qui vient de cel douz païs
Ou cil est qui m′atalente
Volentiers i tor mon vis
Adont m′est vis que jel sente
Par desoz mon mantel gris

Dex, quant crieront
Sire, aidiez au pelerin
Por qui sui espoentee
Car felon sunt Sarrazin

Mout par est fous
Ki s'en vait outre mer
Et prent congie
A sa dame a l′aler

Mout par est fous
Ki s'en vait outre mer
Et prent congie
A sa dame a l′aler

De ce sui mout deceüe
Que ne fui au convoier
Sa chemise qu'ot vestue
M′envoia por embracier
La nuit, quant s'amor m'argue
La met delez moi couchier
Mout estroit a ma char nue
Por mes malz assoagier

Dex, quant crieront
Sire, aidiez au pelerin
Por qui sui espoentee
Car felon sunt Sarrazin