Lyrics Popolo di tammurriata - Eugenio Bennato

E mo parlammo 'e Napule chella città addò so' nnato
C"a sape tutto o munno ma sape na cosa pe n'ata
Napule sole e maree gente sempe felice
Ma chesta cartulina o riesto nun t'o ddice
O riesto è na tammorra ca vene da luntano
è o figlia d'o vesuvio e d'a sibilla cumana
(Rit) E quanno ero guaglione e ievo pe' chella strada
Comm'a nu viento passai o popolo d'a tammurriata
Da Napule a Pomigliano pe' Santa Anastasia
Cu l'Africa 'mmiezo a gente e a musica 'mmiezo a via
Musica certamente ma ce sta nu prufessore
Ca dice quann'a sente stu fatto nun va buono
Dice che musica è chesta me pare nu casino
Ch'è bona pe' chella festa 'e tutta a gente fatta a vvino
(Rit) E quanno...
A tradizione è morta ma e me che me ne 'mporta
Va 'nfreva De Simone si sente sta canzone
Chesta canzone che le parla 'e n'ata città
Ch'è na tammorra che batte e nun se po' ferma'
E che se chiamma Napule e che è a città addò so' nato
E 'a sape tutto o munno ma sape na cosa pe' n'ata
E quanno ero guaglione e ievo pe chella strada
Comm'a nu viento passai o popolo d'a tammurriata
Cu chella musica strana che è fatta cu ppoco e nniente
Cu na tammorra sultanto e na chitarra battente
Cu chella musica strana ch'è fatta cu ppoco e nniente
Cu na tammorra che batte comme o core d'a gente.