Lyrics Badi Khaburkon - Fairuz

بدي خبركن قصة صغيرة
صغيرة القصة وانتوا صغار
منحكي وبتصير الليلة قصيرة
وبكرة انشا الله تصيروا كبار

ليلة عيد، فرح جديد
والأطفال انوعدوا بالطفل السعيد
غنيات لعب وزينات
وتتزين الشجرة للميلاد السعيد

وكان في ولاد نسيت الأعياد
نسيت تزورون بليلة الميلاد
بيتون بعيد، والقرش بعيد
وما عندون تيزينو شجرة الميلاد

صاروا يصلوا يركعوا يصلوا
ويمكن صلاتون بكت الدني
وكان في برا عندون شجرة
شجرة عمرا شي مية سنة

وفي رف عصافير
ملون حلو كتير
بدو يبيت وما بقا بكير
غطوا بهالشجرة
صارت صفرا وحمرا
وطلوا الاولاد وتزينت الشجرة

وفرحوا كتير بالزينة اللي بتطير
وصاروا يغنوا ويغنوا العصافير
ونزل العيد، عيد معون العيد
ومن عبكرا سلموا وطاروا العصافير

خبرناكم قصة صغيرة
صغيرة القصة وانتوا صغار
احكينا وصارت الليلة قصيرة
وبكرة انشا الله تصيروا كبار
وبكرة انشا الله تصيروا كبار
وبكرة انشا الله تصيروا كبار