Lyrics ZOMBIE - Gnawi

أصل البشر غير ماني
وأصل المرغوب عيلماني
الرحمة كاينة غير في بالي
ويلا في يديه غير بالي
ماكاين جديد غا البالي
كندير غير لي عاجباني
قوليا نتا أش باني
من غير الحقد أش تاني
قرعة السم ناشباني
وعيون الجم كاشفاني
باغي تدي اش باقي
باغي الفكاك يا العالي
جاني وبالقوة سعالي
خلاني مريض كانعاني
كحيت تا سمعو سعالي
ولي قلت دعالي دعاني
سوق الحكرة بلا دحاس
مايحس بك حد باش حاس
گاع لي فالجيب راه تناص
بلا مايبان فيك لاطراس
غالي شافو شاف باس
شافو محلول وجا وباس
غا فين ماقاس جاب راس
غا جاب دورة جاب ماس
جبار وخصية نحاس
الرحمة تنزل لا نعاس
گاع ريالو سقاه كاس
وعاشر خبيزتو بناس
حط الرحمة فلا گلاص
حيد الحشمة وجاك فاص
يخرج القاعة بزيرو ويجمع ميسة بلاص

شنو درت ليك ولاش ولاش حاقد عليا
شهاد الحقد فيك يا الآلة الأدمية
قال خاص لي يربيك
ويسبلي في واليديا
ويلا بغا يديك فله الحرية
ياك هو حناش وأنا الأمن كنحبو
غير قولي علاش محنش وأنا كنرغبو
رغبتو قداش وكأني كنسبو
والديفو مناش راه الوزراء وكيشربو

العور طغا على الزيزون
كايعرف ماعندو لسان
غدعارف شكون غايهبل
غي لي فالتراب مايسال
شافو مقهور وقال
هذا حرام نعاملو بإحسان
هذا موحال واش فراسو
بلي گاعوراه انسان
الزيزون عيا مايقول لواه
عور الفؤاد مافهمش
گزار ومادي سلاحو
يعرف يختارلو الكبش
يجبد لفواد غير فالظل
غي فين ما كاينة الشمس
الرايس لي قالو تفضل
ماشي غي جا وماحشمش
لمن تقول غانقول
وهو تقال ليه غير كول
ماتحن لا فعرض لا فطول
وتالين الظلم غيطول
شكون غايتيق بيك يا بنادم
بلي را خرج فيك غول
لا راك ناشف راك تما
ولا ماعصر ما يرول
سكان النار فالدنيا
عندهم حرام لا رحم
عندهم حقق ماحلمتي
وعندهم پيس لاظلم
سيد القاضي غا حكم
البشر موجود غا ردم
كتاب على الديب يفرس
وكتاب علينا غنم

شنو درت ليك ولاش حاقد عليا
شهاد الحقد فيك يا الآلة الأدمية
قال خاص لي يربيك
ويسبلي في واليديا
ويلا بغا يديك فله الحرية
ياك هو حناش وأنا الأمن كنحبو
غير قولي علاش محنش وأنا كنرغبو
رغبو قداش وكأني كنسبو
والديفو مناش راه الوزراء وكيشربو
الدنيا جنة بلا محنة
دوماج الفانية غواتهم
ورغيب الرجال مايسلك
لاقي بنا في غواتهم
البشر فصباعو خواتم
والناس دنوبا خواتم
يتزادولو على خواتهم
وان شاء الله بسوء الخواتم
سعدي برجال لي بضمير
مايجيه نعاس لا حگر
شافني مبلي طلب العفو
ماجرح بكلام مازكر
شاف الساطة جاه عادي
شبعان مايدوخو عكر
ماكاين لا قمع لا تقردين
لا غار بيك لا زمر
راه حنى شباب كيف كيف
الدوزة والنساء هم هم
تعناق حلو شتاء وصيف
وفعروق بندم دم دم
وعلاش راني نبات ضيف
رجع كيدير فيه تم تم
تا نفس حرگاتلي النيف
ودار الساروت عالفم
الفيلم داير على الفساد
وهو الفساد غي بلان
أنا اسير غير حسادلو
طيل بالسواعدة پلان
عجبني با العود كون أسد
ودير هكا لشي فلان
طلع بشي لايف او لا ساد غيتحرقو الأفلام
شنو درت ليك ولاش حاقد عليا
شهاد الحقد فيك يا الآلة الأدمية
قال خاص لي يربيك
ويسبلي في واليديا
ويلا بغا يديك فله الحرية
ياك هو حناش وأنا الأمن كنحبو
غير قولي علاش محنش وأنا كنرغبو
رغبو قداش وكأني كنسبو
والديفو مناش راه الوزراء وكيشربو