Lyrics Adra - Gwyneth Glyn

"There is a town in North Ontario"
Meddai Neil Young yn ei gân
"Sweet home Alabama",
Meddai Skynyrd 'rownd y tân
"Rwy'n mynd 'nôl i Flaenau Ffestiniog, ie..."
Meddai'r hen Debot Piws
"Take me home, country road",
Meddai Denver - ond be' di'r iws?

'Does unman yn debyg i Adra',
Medda' nhw wrtha fi
Does unman yn debyg i Adra, na.
Ond ma' Adra'n debyg iawn i chdi

D'wn i ddim i lle dw i'n mynd,
D'wn i ddim lle dw i 'di bod
S'gyn i'm syniad lle dw i rwan hyn
A Duw a wyr lle dw i fod

Dwi i 'di cysgu dan sêr yn y Sahara
Ac aros ar yn nhraed drw'r nos ym Mhrague
Dw i 'di dawnsio ar fynydd hefo ffrindia' newydd
A deffro ar awyren wag

'Does unman yn debyg i Adra',
Medda' nhw wrtha fi
Does unman yn debyg i Adra, na.
Ond ma' Adra'n debyg iawn i chdi

Fy nghynefin yw fy nefoedd,
A bro fy mebyd yw fy myd
'Nabod fa'ma cystal a fi fy hun,
Felly pam dw i ar goll o hyd?

S'gyn i'm map a s'gyn i'm arwydd,
A s'gyn i'm 'rough guide' ar y daith
Dw i'n cau fy llygaid ac agor fy enaid,
A dilyn lôn dy lais

Dw i'n cau fy llygaid ac agor fy enaid,
A dilyn lôn dy lais

'Does unman yn debyg i Adra',
Medda' nhw wrtha fi
Does unman yn debyg i Adra, na.
Ond ma' Adra'n debyg iawn i chdi

Ma' Adra'n debyg iawn i chdi