Lyrics Set Elhabayib ya Habiba - Hossam Ramzy

ست الحبايب ياحبيبه يااغلى من روحي ودمي
ياحنينة وكلك طيبة . يارب يخليكي يا أمي
يا رب يخليكي يا أمي . يا ست الحبايب يا حبيبه .

زمان سهرتي وتعبتي وشلتي من عمري ليالي
ولسه برضه دلوقتي بتحملي الهم بدالي
انام وتسهري وتباتي تفكري
وتصحي من الآدان وتيجي تشقري
يا رب يخليكي يا أمي . يا ست الحبايب يا حبيبه .

تعيشي لي ياحبيبتي يا أمي ويدوم لي رضاكي
أنا روحي من روحك انت وعايشه من سر دعاكي
بتحسي بفرحتي قبل الهنا بسنة
وتحسي بشكوتي من قبل ماأحس أنا
يا رب يخليكي يا أمي . يا ست الحبايب يا حبيبه .

لو عشت طول عمري أوفي جمايلك الغاليه علي
أجيب منين عمر يكفي وألاقي فين أغلى هدية
نور عيني ومهجتي وحياتي ودنيتي
لو ترضي تقبليهم دول هما هديتي
يا رب يخليكي يا أمي . يا ست الحبايب يا حبيبه .

كلمات: حسين السيد
ألحان: محمد عبدالوهاب
مقام: بياتي

التبليغ عن خطأ