Lyrics Trompettes... - Idir

Ɣur-i tijemmuɛa
D lweḥc-nni aberkan
Degmi ḍerrfeɣ iman-iw
Armi ffɣeɣ i yiberdan
Lɣaci qqaren-iyi-d
Ayen akka weḥd-k kan
Xas kkes ɣef wul-ik
Ini-d d acu i k-yerḥan
Ur bɣiɣ ara ad d-iniɣ
Ur ḥwaǧeɣ ara cciɛa
Ur bɣiɣ ad d-feḍḥeɣ
Sser n ta akked wa
Ur ttkalet fell-i
Kkiɣ-d seg wat n lbeḍna
Ur qqazeɣ ara aẓekka
S yiles-iw a lɣiḍa
Ad awen-iniɣ, a leɣwayeḍ
Wi ẓemren awer d as-taweḍ
Ad awen-iniɣ, ahya leɣwayeḍ
Ma ẓemreɣ awer d iyi-taweḍ
A win yebɣan ad isel
Ayen i teẓra tiṭ-iw
A win yebɣan ad iẓer
Ayen i yesla umeẓẓuɣ-iw
Ad iruḥ ad yenǧer
Ajewwaq deg uɣanim
Nekk xḍiɣ i uzemmeṛ
Xḍiɣ I ṭṭbel n uglim
Ẓriɣ ad d-temyejmaɛem
Mi ara d-teffeɣ taɣect-a
Ẓriɣ daɣen ad trefdem
Iqerdacen s aẓeṭṭa
Ur ttnadit deg-s
Ayen ur nelli ara
Ulac d acu ara ffreɣ ur heddreɣ di rrayeɛ

Skud mazal-iyi
Tesɛa ṣṣut taɣect-iw
Ad kemmleɣ akka-agi
Weḥd-i kan deg webrid-iw
Ad cennuɣ tirga-inu
D tmucuha-nni n temẓi-w
Asmi ara teɛyum deg-sent
Ad sserseɣ tagiṭart-iw
Ad wen-iniɣ a leɣwayeḍ
Win i yetthuddun ur d as-taweḍ
Ad awen-iniɣahya a leɣwayeḍ
Win ibennun ar d as-taweḍ