Lyrics Un Surrisu Hè Natu - Jenifer

Prigariu la to vita
Prigariu o priferita
Ch'edda Sia ogni tantu
Ch'edda Sia lu me cantu
Da raligrà ti i ghjorni à vena
Ch'edda ti Sia Alba sirena

Prigariu una prumessa
Prigariu o principessa
Lu to soffiu chì m'invita
Com'una boci ferita
Ad appacià li stondi scuri
È scunghjurà ti li pauri

È stu surrisu chì m'incanta
Soli d'amori è puisia
À dì mi quant'eddu li manca
U mondo sanu
U mondo sanu

Prigariu una casetta
Prigariu o sicreta
A me musa chì viaghja
Accarezza li to basgi
Da fà smarì li cent'affani
È sunnià ti milli brani

Prigariu una carezza
Prigariu a me bidezza
Dui passi sott'à a luna
Dui abbracci par furtuna
Da assiccà ti li to pienti
À stu focu novu ardenti

È stu surrisu chì m'incanta
Soli d'amori è puisia
à dì mi quant'eddu li manca
U mondu sanu
U mondu sanu

Prigariu da lu fondu
Prigariu lu me mondu
Una terra dì dulcezza
Fendu taci a tristezza
È d'una puisia frolla
Apra l'ochji à lu to soli

È stu surrisu chì m'incanta
Soli d'amori è puisia
À dì mi quant'eddu li manca
U mondu sanu
U mondu sanu
Ùn bastaria