Lyrics Musaddas-E-Hali - Junaid Jamshed

Apni milat per qyas aqwam-e-maghrib se na ker
Khas hai tarkeeb main qoum-e-rasool-e-hashmi (sallalaho alehe wasalam)
Un ki jamiyat ka hai mulk-o-nasab per inhisar
Qoowat-e-mazhab se mustehkam hai jamiyat teri
Ya rab-e-mustafa
Baligh maqasidana
Waghfirlana mata
Ya wasi alkarami
Ya bari an nasami
Woh nabiyon main rehmat laqab panay wala
Muradein ghareebon ki bar lane wala
Musibat main ghairon k kaam aane wala
Woh apne paray ka gham khane wala
Faqeeron ka malja, zaeefon ka mawa
Yatemoon ka wali, ghulamon ka moula
Khatakar se darguzar kerne wala
Bad-andesh k dil main ghar kerne wala
Mafasid ka zair-o-zabar kerne wala
Qabail ko sheer-o-shakar kerne wala
Utar ker hira se suy-e-qoum aaya
Aur ik nuskha-e-keemya saath laya
Mas-e-kham ko jis ne kundan banaya
Khara aur khota alag ker dikhaya
Arab, jis pay karno se tha jehal chahya
Palat di bas ik aan main un ki kaya
Palat di bas ik aan main un ki kaya!!
Raha daar na bairay ko mouj-e-bala ka
Idher se udher phir huwa rukh hawa ka
Idher se udher phir huwa rukh hawa ka!!
Woh fakhr-e-arab, zaib-e-mehrab-o-mimbar
Tamam alh-e-makkah ko hamrah le ker
Gaya eik din hasb-e-farman-e-dawar
Sooye dasht aur charh k koh-e-safa per
Yeh fermaya sab se k ah aal-e-ghalib!
Samajhte ho tum mujh ko sadiq k kazib?
Kaha sab ne qoul aaj tak koi tera
Kabhi hum ne jhoota suna, aur na dekha
Kaha gar samajhte ho tum mujh ko aesa
To bawar karo gay agar main kahun ga
K fouj-e-giran kusht-e-koh-e-safa per
Pari hai k loote tumhe ghat pa ker
Kaha teri her baat ka yun yaqee(n) hai
K bachpan se sadiq hai tu aur amee(n) hai
Kaha gar meri baat yeh dil nashee(n) hai
To sun lo khilaf is main islah nahi hai
To sun lo khilaf is main islah nahi hai!
K sab qafla yan se hai jane wala
Daro us se jo waqt hai aane wala
Daro us se jo waqt hai aane wala!
Balaghal ula bikamalihi
Kasha fad duja bijamalihi
Hasunat jameeo khisalihi
Salo alaihe wa aalihi