Lyrics F 19.5 - Karg

De Einsomkeit is nix für de Feigen
Des homa scho, vo Kind auf g'wusst
Es alloa sei vertrogt ned a jeder
Ma nährt so nur de Schimär von da gemeinsomen Zeit
Sie hod uns flügellahm und schweigsom gmocht
San jetzt a einsom unta Leit
Und woatn do im Stün auf de verlorenen Tåg
De so nie wieder kema wernd
Da Tod woa gestern wieda do
Und hod ma onschauliche G'schenke brocht
In Bodn vua mir tiafrot g'farbt
Und tott de Äpfi hengan jetz Kinda vo de Bam
In da Nåcht wird's wieder koit drausd
Und es gib nix mehr wo ma sie vasteckn ko
Iangwonn gibs hoid a koa zruck mehr vo dem Wahnsinn
Wei de letzte Zech, de zoit G'votta Tod
De zoit G'votta Tod
Ooooooooh!
Wos sogt de Uhr mei Freind?
Is endlich Zeit das ma ham geh kenan?
Oda soi ma no im Stün woatn
Auf de Verlorenen Tåg de so nie wieder kem wernd?
I ko kaum mehr no steh
Scho goanimma kloa denkn
Noch g'füht zehn Floschn Wein
Owa um ma jemois zu vazeihn
I donn owa do no immer vü z'nüchtern
I do no immer vü z'nüchtern
Aoooooooh!
I hob hoid immer glabt I ko den Groi
Des tiafe Nichts in mir so iangwia ertränken
Nur hob I so auf de Oat den Brånd
Und seine sengendn Flåmmen nur g'nährt
I hob ma ned oi z'vü erwoat
Nur das mi des Leben z'reisst donn doch eha ned
Drum sog mas Tod: Wos is es Nichts?
"Es Nichts is de Leere de bleibt"
"Es Nichts is de Leere de bleibt"
Ooooooooh! Ooooooooh!
Wos sogt de Uhr mei Freind?
Is endlich Zeit das ma ham geh kenan?
Soi ma no im Stün woatn auf de Verlorenen Tåg
De so nie wieder kem wernd?
I ko kaum mehr no steh
Scho goanimma kloa denkn
Noch g'füht zehn Floschn Wein
Owa um da jemois zu vazeihn
Bin I donn owa do no immer vü z'nüchtern
Wei donn wonn du di niederlegst
Lieg I woch und erlieg hechstens no meine Gedånkn
De mi iangwonn zum Wahnsinn treim
Und mi niemois wieda schlofn lossn
Wos soi I no sogn?
Wia soit I a schlofn wonn a de Wödt nia zur Ruah kumbd
Und mi fortwährend umtreibt
Bis I a söbst de erdrückendste Taubheit iangwonn nimma gspia
Iangwonn nimma gspia
Nur Tod, wonnst eh ned vua kopt host
Dasd so schnö wieda zruck kummst
Warum nimmst donn ned a des Nichts
Und de Leere in mir einfåch mit mit dir?
Kum gib ma d' Hond G'votta
I zoag da in Weg zur nextn finstan Spelunken
Oan homma imma no trunken
Nua de nexte Zech, de zoist jetzt du!
De zoist jetzt du!
Ooooooooh!