Lyrics Tun - Konsta

Bunchalar uzun
Sensiz tunlarim uzun
Juda qorong'u bu tun
Bunchalar uzun
Hech kim o'tmas bu yo'lni men uchun
Yo'llar bunchalar uzun (Ye)

Yana yo'lingdaman, yana bir safar
Omadim keladi aniq bu safar
Meni kutayapsan nima bo'lsa ham
Demak, to'ldirmiydi meni dimog'imdagi zahar
Yo'llarim qorong'u, huddi zimiston
Yo'llardagi dushmanlarim o'zimizdan
To'g'rimi, Guliston?
Men musofir bo'lmadim, o'zim istab
Safardan keyin quraman uyimizni
Keyin ichida uyquga to'yamiz-da
Ichi to'la kullar, kuni bo'yi muzdak
Hayajonli tunlar, huddi to'yimizdek
Lekin hozircha yo'ldaman piyoda
Adashsam yo'limni, ko'rsat, yulduzim
Bitta ham uchramadi sendek odam
Tikanlarini sanchishdi, gul desam
Yana yo'lingdaman, yana bir safar
Qani edi bu safar bo'lsa farq
Oyoqlarim chandiqlarga to'lsa ham
Kelganimda kutganimdek bo'lsang ham
Sevgi bilan nafratni orasidagi yo'l
Men safar bilan safar orasida kuyov
Men bir har ikkichi odamman bu ko'chadagi
Yurish kerak, lekin tobora istagi yo'q
Yana yo'lingdaman, kurashayapman
Ketib qolma ungacha falaklarga
Senga bo'lgan mehrimni ulashayapman
Kuylarimda tungi kapalaklarga
Nafas olayapman-ku — yashayapman
Demak, hammasi bo'ladi ajoyib
Agar topsam bu dunyoda joyim

Bunchalar uzun
Sensiz tunlarim uzun
Juda qorong'u bu tun
Bunchalar uzun
Hech kim o'tmas bu yo'lni men uchun
Yo'llar bunchalar uzun
Sensiz tunlarim uzun
Juda qorong'u bu tun
Bunchalar uzun
Hech kim o'tmas bu yo'lni men uchun
Yo'llar bunchalar uzun