Lyrics Rahen Na Rahen - Lata Mangeshkar

Rahein naa rahein hum
Meheka karenge banke kali
Banke saba baag-e-wafa mein
Rahein naa rahein hum

Mausam koi ho is chaman mein
Rang banke rahenge hum khiraama
Chaahat ki khushboo yuun he zulfon se udegi
Khizaa ho ya bahaarein

Yuun he jhoomte...
Yuun he jhoomte aur khilte rahenge banke kali
Banke saba baag-e-wafa mein
Rahein naa rahein hum
Meheka karenge banke kali
Banke saba baag-e-wafa mein

Khoye hum aise, kya hai milana, kya bichhadna
Nahi hai yaad humko
Kooche mein dil ke jab se aaye
Sirf dil ki zameen hai yaad humko

Isi sar-zameen...
Isi sar-zameen pe hum to rahenge banke kali
Banke saba baag-e-wafa mein
Rahein naa rahein hum

Jab hum naa honge
Jab hamaari khaak pe tum rukoge chalte-chalte
Ashkon se bheegi chandni mein
Ik sada si sunoge chalte-chalte

Wahin pe kahin...
Wahin pe kahin hum tumse milenge banke kali
Banke saba baag-e-wafa mein
Rahein naa rahein hum
Meheka karenge banke kali
Banke saba baag-e-wafa mein
Rahein naa rahein hum