Lyrics يا جراس الفرحة طلّي - Lebanese Maronite Order

يا جْراسِ الفَرْحَه طُلِّي دِقِّي وْصَلِّي اللَّيْلِه طَلّْ العيدْ
يا شْموعِ الهَيْكَلْ هِلِّي ضَوِّي عْلَيْنا بْنورْ جْديدْ
يا هَالنُّور المِتْجَلِّي بْعِيدَكَ خَلِّي فينا الفَرحَه تْزيدْ

لِلْخِدْمِه بْهَيْكَلْ رَبُّو كَرَّس حُبُّو زَكَرِيَّا البارْ
كاهِنْ بِنْهايِة دَرْبو عَحَفِّة قَبْرو، خِتْيارْ!
ناطِرْ وِمْنَطِرْ شَعْبو وْفاتِحْ قَلْبو لْسِرْ مْنِ الأَسْرارْ

وِاليَومْ السِّرِ الغالي، وَعْدِ العالي بِالرُّؤيا تْجَلَّى
وْقال لْهَالشَّيْخِ الغَالي: أَلله عَنَّكْ ما تْخَلَّى
تْهَنَّا بْيُوحَنَّا تْهَنَّا يا كَاهِنْنَا وِالعاطي أَلله

يا هَالصَّوْتْ الْبَشَّرْنا لا تْكَشِّرْنا نْضيعْ بْهَالمِشْوارْ
ضَلْ ذْكِرْنا وذَكِّرْنا بْهَالخِتْيارَه وهَالخِتْيارْ
عَدْروبِ العُمرِ ٱنْطِرْنا تَتْنَوِّرْنا يا نورِ الأَنْوارْ