Lyrics Tiempo - Nino D'Angelo

Io quanno veco sta fotografia
Me sento viecchie cchiu ′e ll'età ca tengo
′O core mio se fa cchiu piccirillo
Senza vulè sento ca sto chiagnenno
Ma comme è bbella sta fotografia
Ce stanno tutte quante 'e frate mie
Senza na ruga nfaccia mamma mia
E papà mio cchiu giovane cu nnuje
'Sta famiglia
M′ha dato tutte cose, sta famiglia
M′ha dato 'a mano m′ha purtato 'a scola
E qualche vota m′ha vattuto pure
Si sto luntano ma sento vicino
Si sto malato nun me fa paura
'A sento nfaccia a me, dint′o cuscino
E se ne va quanno se leva a freva

Tiempo ca vaie pe mmiezo tiempo
E po nuje simme nu ricordo
Tiempo ca nasce, tiempo ca cresce
Tiempo ca passa troppo ambresso
E chisti giuvane ca nun ce penzano
E spenneno na vita pe n'attimo fuggente

Tiempo ca passe dint'e capille
Dint′o ritratto ′e na famiglia
Tiempo ca daie, tiempe ca piglie
Faje vecchie 'e mamme e gruosse ′e figlie
E simme fragili, sempe cchiu deboli
Sempe cchiu malinconici, a cammenà sta vita

Tiempo ca ce accumpagne tutt'e juorne
Ca c′he prestato 'a vita pe t′ant'anni
Fermate dinta ll'uocchie
′E tutte sti criature
Falle restà cchiu tiempo nzieme a tte
Dalle nu juorno nuovo
′Na vita cchiu felice
E n'ata guerra nun ce ′a fa vedè
Tiempo ca te ne vaie nzieme cu mme