Lyrics Henrietta - NoFuture

Dunna Gliezza scheva adina
Che siu Luregn survegn pial gaglina
Sch'ella ha il brust da frina
E mov'il tgil en rassa fina
El sa ussa tgei che s'avischina
E ramba zamba sc'ina maschina
Els entscheivan en cuschina
Schems e scrols, carezia per adina

Tic tec toc tac, perpendechel dat il tact
Tac tic tec toc, Luregn strusch ord il coc
Toc tac tic tec, lai tgular il letg lenn sec
Tec toc tac tic, e la Gliezza gauda il f f f

Finiu cun giugs e dar la tétta
Midadas ha ei dau en hetta
Fumitgasa Henrietta
D'ella ei meglier schar la detta
Gliezza va cun feglia Betta
Sco ei descha en scoletta
Luregn emplein'aunc la carretta
E va en clavau per far viseta

Tic tec toc tac, perpendechel dat il tact
Tac tic tec toc, Luregn strusch ord il coc
Toc tac tic tec, lai tgular il letg lenn sec
Tec toc tac tic, Henrietta gauda il f f f

Fuss Luregn buca cotschens sin bucca
Havess el spargnau la palutta
Ch'el survegn sin sia cuppa
Entochen ch'il dent ballucca
Lu vesa Luregn la gronda smara
Ch'el ha fatg a sia cara
Ils dis ein liungs, en gronda hara
La harmonia ei mess'en bara

Tic tec toc tac, perpendechel dat il tact
Tac tic tec toc, Luregn viva en in schoc
Toc tac tic tec, bandunaus ei il letg lenn sec
Tec toc tac tic

Tac tic tac tic tac tic tac tic