Lyrics Qorxma Özündən - Orkhan Zeynalli feat. Gulnar

Bizi öyrədiblər, oyanmaq lazımdır səhər tezdən, (Qalx!)
Təhsil, karyera, uğur, həyatda bitmir pillələr (Heç vaxt!)
Bizi öyrədiblər ki, dürüstlük əsas dəyərdir,
Valideynlər, doğmalar, qonşular və müəllimlər.
Bizi öyrədiblər ki, siqaret, həm də içki ziyandır, (Yox!)
Siqaret çəkən qardaşlar, içki içən atalar.
Bizi öyrədiblər ki, tələsməlisən, həyat dayanmır,
Sən geciksən də, olmur gecikən qatarlar.
Gün çıxanda gizlən, yağışda çətir gəzdir.
Dözməyi bacar ancaq, axı zəiflər çətin dözür. (Ancaq)
Çəkin müdüründən, (Çəkin!) işini itirməkdən daim qorx,
Susmağı bacar, lazım deyilsə demə sözün düzün.
Göstərmə əsil üzün, səmimilik pis cəhətdi.
İnsanlar yalançı olur, bizi öyrədiblər həmişə,
Ürəyin ağrımasın, kimisə görüncə dərdli.
Bizi öyrədiblər həmişə, bizi öyrədirlər həmişə.

Çevrilir hədəflər arzulara,
Olanda tək ümüd mahnılara.
Hardadı düz, harda yalanlar?
Bəs indi kimə inanaq, (De) nəyə inanaq?
Çevrilir hədəflər arzulara,
Olanda tək ümüd mahnılara.
Hardadı düz, harda yalanlar?
Bəs indi kimə inanaq, (De) nəyə inanaq?

Bizi öyrətməyiblər, ölüm bir gün döyəcək qapını,
Həyat məktəb deyil ki, mümkün olsun son partada gizlənmək.
Bizi öyrətməyiblər, ailə qurmaq oyuncaq deyil,
Əsas sevgidi, nəinki kağızda qol çəkmək.
Bizi öyrətməyiblər, həyat bəzən olur alçaq,
Sən əzab çəkən şəhərdə kef edir hansısa alçaq.
Sən demə, qayğını verirmiş dövlət borca,
Sən böyüdükcə, səndən də tez böyüyür borclar.
Bizi öyrətməyiblər, xoşbəxtliyimizə gedən yol,
Sən demə keçir qəlblərdən yox, hava limanından.
Bir günə dönər inamından, səmadan hay-küy çıxsa,
Bizi öyrətməyiblər, nə edək dost nankor çıxsa.
Öyrədə bilməz həyatı nə kitablar, nə valideynlər,
Əsas atdığın addımlar və sabah atacağın.
Həyat kosmosdu, qərarlarımız teleskop,
Gələcək təyin edir hansı tərəfə baxacağını.

Çevrilir hədəflər arzulara,
Olanda tək ümüd mahnılara.
Hardadı düz, harda yalanlar?
Bəs indi kimə inanaq, (De) nəyə inanaq?
Çevrilir hədəflər arzulara,
Olanda tək ümüd mahnılara.
Hardadı düz, harda yalanlar?
Bəs indi kimə inanaq, (De) nəyə inanaq?