Lyrics Nochsaison - Ostbahn-Kurti & Die Chefpartie

Hasriche Vögel
Sunst is niemand am Strand
De Sunn wia durch Müchglos
A poa Toppa im Sand
De g'hean zu de Gschroppn
Aus da Pension
De ham ganz in da Fruah probiert
An totn Fisch zum daschlogn

Fruastuck im Zimma
Des steht ned im Prospekt
Oba in an Haus ohne Gäst
Wird untn ned extra deckt
Do gibts im Pool ka Wossa
In da Sauna kan Strom
Und de vün buntn Schirm gibts nua
Auf de Kartn an da Rezeption

Sie ham des scheenste Zimmer
Mit Bad und Balkon
Sie ham de scheenste Aussicht
Und se nix mehr Scheens zum sogn
Nochsaison

Er geht heit Filma
Weu zum Badn is's z'koid
Und sie spüd ihr ewiche Rolln
Und locht ois wurdats dafia zoit
Locht weu da Wind pfeift
Locht weus g'friat
Locht vua da Auslog volla Ramsch
Und locht auf'm Weg
Zum anzig offenen Wirt

Daunn auf d'Nocht unter da Deckn
Und unta sein'm G'wicht
Denkt's liaba an fria
Ois an des wos do g'schicht
Dann tuat er raukn und fernsehn
Und sie raukt draußt am Balkon
Huacht auf de hasrichn Vögel
Und wanns ins Bett kummt
Daunn schloft er schon

Sie ham des scheenste Zimmer
Mit Bad und Balkon
Sie ham de scheenste Aussicht
Und se nix mehr Scheens zum sogn
Nochsaison

Heit kummt a Wetta
Heit kummt a Sturm
Do wirds Karten schreibn
An de Freindin und
Anan Herrn Buam
De mit de vün buntn Schirm
Von da Rezeption
Wetter schlecht, Essen reichlich
Wias halt is im Lebn
Ma kann ned ollas ham

Sie ham des scheenste Zimmer
Mit Bad und Balkon
Sie ham de scheenste Aussicht
Und si nix mehr Scheens zum sogn
Nochsaison