Lyrics Bizlarni Avf Et - Ozodbek Nazarbekov

Biz qudrating oldida bechoramiz, rost
Kutilmagan, ko'rinmas baloni daf et!
Sonsiz gunohlar uchun olmagin qasos
Bizni avf et Yagonam, bizlarni avf et!

Toju taxt, dunyo talash odamzod uchun
Baloning ham tojdori yubording bugun
Ahvolimiz ayanchli, holimiz yukun
Bizni avf et Yagonam, bizlarni avf et!

Osiylarga yuborgan ajdaringmi bu?
Yo g'ofil qalbga sanchgan xanjaringmi bu?
Nopoklikka qarshi yo lashkaringmi bu?
Bizni avf et Yagonam, bizlarni avf et!

Yagonam, Yagonam bizlarni avf et!
Yagonam, Yagonam bizlarni avf et!
Yagonam, Ollohim bizlarni avf et!
Avf et! Avf et!

Chigal dunyo ishlari yecholmas bir bek,
Davosiz dardga Sensiz qo'yolmaydi chek.
To'g'ri, ajaldan aslo qochib bo'lmas, lek
Bizni avf et Yagonam, bizlarni avf et!

Yerda ulovlar, ko'kda uchoqlar qani?
To'y, bayramga atalgan o'choqlar qani?
Mehr bilan ochilgan quchoqlar qani?
Bizni avf et Yagonam, bizlarni avf et!

Yagonam, Yagonam bizlarni avf et!
Yagonam, Yagonam bizlarni avf et!
Yagonam, Ollohim bizlarni avf et!
Avf et! Avf et!

Afsus, seni unutib shodon bandangmiz
Biz notavon, biz noshud, yomon bandangmiz
Faqat g'amda eslovchi nodon bandangmiz
Bizni avf et Yagonam, bizlarni avf et!

Tushda maktabin ko'rib bolam uxlaydi,
Onajoni bag'rinda bag'rin tig'laydi,
Ko'ngli masjid kabi bo'sh otam yig'laydi,
Bizni avf et Yagonam, bizlarni avf et!

Yagonam, Yagonam bizlarni avf et!
Yagonam, Yagonam bizlarni avf et!
Yagonam, Ollohim bizlarni avf et!
Avf et! Avf et!

Buni sensiz eplolmas mohirlaring ham,
Taqdir deb jim, har nega qodirlaring ham,
Botirligin unutdi botitlaring ham,
Bizni avf et Yagonam, bizlarni avf et!

Dardlar yosharib borar, orzular qarib,
Bugun suratlar go'zal, siratlar g'arib,
Huzuringga bosh urdik najot axtarib,
Bizni avf et Yagonam, bizlarni avf et!

Yagonam, Yagonam bizlarni avf et!
Yagonam, Yagonam bizlarni avf et!
Yagonam, Ollohim bizlarni avf et!
Avf et! Avf et!