Lyrics Stäffisburg - Patent Ochsner

Nasegrüble vor em Rotliecht
Gedanke schwümme dür dä Sumpf zwüsche dyne Ohre
U Bschütti flügt uf ds Fäud
Eine steit huere schreg ir Landschaft
Dr anger irgendwie chli z grad
Ds Läbe schlat dert häre wo's eim weh tuet
Erbarmigslos, mit voller Wucht
Hey, la dr eifach nüt la aaxee!
Süsch schlat es nämlech no viu meh

Am Strasserand dr dräckig Schnee
Graublau dr Himu u dr See
D Landschaft flügt a üs verby
Hie si mir scho einisch gsi
Es isch zwar scho lenger här
Zwöi, drü Läbe ungefähr
U mir si iiklemmt hie
Mir si iiklemmt hie
Mir si iiklemmt hie
Zwüsche Stäffisburg u Thun
U dr Liebgott het e schlächte Luun

Fingernegu fiele vor em Frässnapf
U warte uf öpper, wo villech nie gebore wird
Chrützworträtsu u Sudoku
U immer wieder Solitaire
U mir striichle üsi Handy so zärtlech wie nüt süsch
U mir boue üsi Schiff u bliiben a Land
A Land, a Land, a Land, a Land

Am Strasserand dr dräckig Schnee
Graublau dr Himu u dr See
D Landschaft flügt a üs verby
Hie si mir scho einisch gsi
Es isch zwar scho lenger här
Zwöi, drü Läbe ungefähr
U mir si iiklemmt hie
Mir si iiklemmt hie
Mir si iiklemmt hie
Zwüsche Stäffisburg u Thun
U dr Liebgott het e schlächte Luun

Am Strasserand dr dräckig Schnee
Graublau dr Himu u dr See
D Landschaft flügt a üs verby
Hie si mir scho einisch gsi
Es isch zwar scho lenger här
Zwöi, drü Läbe ungefähr
U mir si iiklemmt hie
Mir si iiklemmt hie
Mir si iiklemmt hie
Zwüsche Stäffisburg u Thun
U dr Liebgott het e schlächte Luun