Lyrics Ds Hippygspängstli - Peter Reber

S'isch z'Nacht am zwöufi der Wind wäit düre Schlossgang
S'isch Geisterstund bim letschte Gloggeschlag
Es chliises Gschöpfli imne wisse'n'Umhang
Ziibet muetig z'Stägegländer ab
Ir erste Kurve wird's scho langsam kritisch
Ir zwöite hetses gruusig usegspickt
Es schimpft u dänkt ja das isch wider typisch
Der Bötler dä Löu hets Gländer no geng nid gflickt

Wär kennt scho d'Not vom chliine Hippygspängstli
Es schiilet u het Blüemli ufem Chleid
Wär kennt scho sini Sörgeli u Ängstli
Däm Gspängstli wo geng alles abverheit
Hmmm
Hmmm
Oooh

Grad z'Trotz wot itz dä Lintuech-Blüemli-Stoupe
Chopfvoraa dür d'Tür vor Madmuasel
Im Schlüssuloch da hanget no der Lumpe
Düregrütscht isch nume z'Chnochegstell

Wär kennt scho d'Not vom chliine Hippygspängstli
Es schiilet u het Blüemli ufem Chleid
Wär kennt scho sini Sörgeli u Ängstli
Däm Gspängstli wo geng alles abverheit
Hmmm
Hmmm
Oooh

Doch das bringt z'Gspängstli ersch so rächt uf d'Socke
Und uf der Bettstatt brüelets mordio
Doch die im Bett wos hätti wölle schocke
Hei statt e Schock e Lachchrampf übercho

Wär kennt scho d'Not vom chliine Hippygspängstli
Es schiilet u het Blüemli ufem Chleid
Wär kennt scho sini Sörgeli u Ängstli
Däm Gspängstli wo geng alles abverheit
Hmmm
Hmmm
Oooh