Lyrics Moderni Ziite - Phenomden

Ich säg viles lauft verruckt i dene moderne Ziite
Warum denn immer na umenand mit em Sam riite
Imme na umenand
Mit em Neuetum für s Land
Voll vo Nachricht, das heisst ganz klar muesch starch bliibe
Los nur mis Ding da, pass uf s gaht so:

Ich kämpfe winen Chrieger
Ich muss immer starch bliibe n
I dänä möderne Ziite
Egal wo′s no hiigaht
Ich weiss ich bliib starch
Ich kämpfe winen Chrieger
Doch s Härz volle Liebi
Und d Flamme brennt immer wiiter
Egal wo's no hiigaht
Egal wo′s hiigaht

Egal was i mache oder woni higah
Es wird mer klar, dass Ziit nöd schtillschtaht
Lauf i uf de Strass gsehni s Bild vo de Stadt
Und dihei vo de Ferni wänni en ischalt
Bi eus alles schnell und clean dank Wirtschaft
Anderi Ort anderi Problem dank Wirtschaft, ich sing...
Informieri mi wird mini Mine n immer voller Sorge
Mit jedere witere Ziile n i de Ziitig vom Morge
Es paar mached Chrieg grad
Und es paar mached Geld liefered Waffe hinenah
Au paar vo da, ich säge: ich wett e moderni Ziit ha
Ich wett Fortschritt, doch wetten nöd zu jedem Priis ha
Jedä da macht das, wo für ihn Sinn macht
Die meischte gönd ja amene ehrliche Ding nah
Doch paar sind immer bös gsinnt und fucked d Welt ab
Ich kämpfe winen Chrieger mit Lieder und nöd mit Hass

Ja winen Chrieger
Ich muss immer starch bliibe n
I dänä möderne Ziite
Egal wo's no hiigaht - ja
Ich weiss ich bliib starch
La mi nöd under kriege
Und singe mini Lieder
Und d Flamme brennt immer wiiter
Egal wo's no hiigaht
Egal wo′s hiigaht.

Bi eus ischs keis Gheimnis dass′ villne schlächt gaht
D Isolation schlaht zue, villi sind scho einsam
Diskutiere mit Kollege n über d Situation da
Entlarved Illusione n und au propaganda
Wärum wird eus vorgläbt mir müssed Angscht ha
Und nume glaube a das wonni i de Hand ha
Ich gseh de Riichtum und er verspricht mir Freiheit
Doch was isch Freiheit, wenn i sie nöd teile cha...
Ja, wer fangt mi uf, wenn i kei Chraft meh ha...
Egal öb als junge n oder als alte Maa
Ich gseh mis Umfeld, es isch das wonni gstalte cha
Was sägi mim Chind, das es das mal verstaht, dänn...
D Jugend vo hüt, die Erwachsne vo morn
Gännd ihne Liebi dänn wachst au kein Zorn
D Jugend vo hüt, a de Macht sind sie morn
Sie bruched eui Liebi und Orientierig ...

Ich kämpfe winen Chrieger
Ich muss immer starch bliibe n
I dänä möderne Ziite
Egal wo's no hiigaht
Ich weiss ich bliib starch
Ich kämpfe winen Chrieger
Doch s Härz volle Liebi
Und d Flamme brennt immer wiiter
Egal wo′s no hiigaht
Egal wo's hiigaht.

Ich säg ich läb innere moderne Ziit
Es isch alles komplex, alles so kompliziert
Drumm riit i jetzt eifach de moderni Beat
Wo en neui Art und Wiis und Tradition kombinert
Ich wett nöd ällei sii ich wett Comunity
Will oft bin i high aber au dunne gseh
Baby Girl chumm zu mir, ich cha nöd si ohni dich
Ich wett Familie bilde ob Tochter oder Sohn isch glich
D Jugend vo hüt, die Erwachsne vo morn
Gännd ihne Liebi dänn wachst au kein Zorn
D Jugend vo hüt, a de Macht sind sie morn
Sie bruched eui Liebi und Orientierig ...

Ja winen Chrieger
Ich muss immer starch bliibe n
I dänä möderne Ziite
Egal wo′s no hiigaht - ja
Ich weiss ich bliib starch
La mi nöd under kriege
Und singe mini Lieder
Und d Flamme brennt immer wiiter
Egal wo's no hiigaht
Egal wo′s hiigaht