Lyrics Stella Nera - Pino Daniele

Chella è na stella nera
Chella è na stella janca
Gente ca nun se tene
Sta senza penziere
Pè mare 'o tiempo nun passa maje
È positivo e intanto sudano 'e mmane

Maronna e comm'è futo
Ca nun se vede 'o funno
Me manca 'o sciato e scengo
E intanto tengo mente
'A muntagna è luntana assaje
'O mare se fa gruosso
E arrassumiglia 'o cielo, 'o cielo

Se vede quacche luce
E 'a finanza nu se fa vedè'
Gente 'e mare s'aiuta
Ma po' ognuno penza a sé
Penziere 'e chi nun torna
L'acqua è càura ma ched'è?
Miette tutte cose a buordo
Fuje e nu penzà' a me
Fuje e nu penzà' a me

Nascette miezo 'o mare
Forze int'a natu munno
Scugliera senza sole
Scengo sempe sulo
E 'a muntagna è luntana assaje
'O mare se fa gruosso
E arrassumiglia 'o cielo, 'o cielo

Se vede quacche luce
E 'a finanza nu se fa vedè'
Gente 'e mare s'aiuta
Ma po' ognuno penza a sé
Penziere 'e chi nun torna
E l'acqua è càura ma ched'è?
Miette tutte cose a buordo
Fuje e nu penzà' a me
Fuje e nu penzà' a me