Lyrics 3ahd Mubark - Ramy Essam

ف عهد مبارك لازم تعانى
و تفقد كرامتك بكل المعانى
وتحرق ف دمك سنين مش ثوانى
و اوعا تصدق كلام الاغانى
بتاع الحضاره و كانى و مانى
دا كلو هجايص ما يدخل ودانى
ف عهد مبارك العذاب بيناديك
بتبدأ ف يومك حاجات بترازيك
ف نومك ف قومك تعكنن عليك
تضايقك و لسه العماص ف عنيك
مفيش مايه تشطف صابونه ف ايديك
و جسمك ملزق و ريحتك عاديك
فتلبس و تنزل و فيك اللى فيك
و ف عهد مبارك للاسف
لازم تقاسى تعيش تتقرف
و كل الاساسى ف حياتك ترف
تنسى الكرامه تنسى الشرف
تسرق تنصب تنحرف
دمعك يجرى جرحك نزف
و عهد مبارك لازم ينتهى
رايح لشغلك هتحتاج مواصله
و ادى المترو واقف كهربتو فاصله
و ف الميكروباص خناقه و حاصله
و اتوبيس فراملو عايزلها وصله
و توكتوك دا تايه محتاج لبوصله
هترجع لبيتك دا لو كان فيه بيت
هتوصل هتندم يا ريتك ماجيت
مراتك بتصرخ خلاص استويت
عيالك بتطلب هات كيت و كيييت
تزعق تهاتى يا ناس اتهرييت
ولا حد سامعك مهما هاتييت
و ف عهد مبارك للاسف
لازم تقاسى تعيش تتقرف
و كل الاساسى ف حياتك ترف
تنسى الكرامه تنسى الشرف
تسرق تنصب تنحرف
دمعك يجرى جرحك نزف
و عهد مبارك لازم ينتهى