Lyrics Io, 'na chitarra e 'a luna - Roberto Murolo

Vattenne, core mio, vattenne sulo
P' 'e vvie sulagne
Chisà, te cagne mo ca sì figliulo
Chisà, te cagne
E, già ca tu sì nato cantatore
Va' e canta si staje triste o 'e buonumore

Canta pe' tte
Canta pe' tte
E nun chiammà a nisciuna
Tu, 'na chitarra e 'a luna

E nun te fà venì 'a malincunia
P' 'e vvie ca sanno
Chi, pe' 'ngannà, veneva 'ncumpagnia
Cu' mme cantanno
E, si mme tremma 'ncopp' 'e ccorde 'a mano
Sieguete a cammenà, va' cchiù luntano

Canta pe' tte
Canta pe' tte
Senza penzà a nisciuna
Tu, 'na chitarra e 'a luna

E si truove a quaccuno e dice: "e comme
Tu sulo, e chella"
E si te dice 'e chella pure 'o nomme
Tu, scordatella
E si chistu quaccuno fosse 'ammore
Cagnate nomme e di': "state in errore

Canto pe' mme
Canto pe' mme
Nun voglio cchiù a nisciuna
Io, 'na chitarra e 'a luna"

Io, 'na chitarra e 'a luna