Lyrics 'n'accordo in fa - Roberto Murolo

Tenevo ′na paciona 'e ′nnammurata
Affeziunata, semplice e gentile
Doppo tre anne 'a capa ll'è avutata
E ll′è venuto ′o sfizio 'e mme lassà
Stò contro a tutt′ 'e ffemmene
Pe′ chesta 'nfamità
E ′na vendetta nera voglio fà:
Mm'ho comprato 'nu mandulino
E mme metto for′ ′o balcone
Quanno passa 'na signurina
Io lle faccio ′n'accordo in "Fa"
Po′ lle canto chistu sturnello
Ch'è capace d′ 'a 'ntussecà:
Fli-ppò, Fli-ppò
Fli-ppò, Fli-ppò
Fiore di primavera!
La donna tiene i peli sopra il cuore
Ed io nun mm′ ′a pigliasse pe' mugliera
Nemmeno se me l′ordina 'o duttore!
Parola mia
Parola mia d′onore!
Diceva: "Tu sì tutt' ′o core mio
E si mme lasse teng' 'o vetriuolo!"
Po′ mme guardava ′mmocca pe' gulio
′A 'n′atu mese avevam' ′a spusà
Nèh, chella 'o juorno quinnece
Mme dice chesto a me
E 'o sidece... nun se fa cchiù vedè
E pe′ chesto c′ 'o mandulino
Io mme metto for′ 'o balcone
Quanno passano ′e ssignurine
Io lle faccio 'n′accordo in "Fa"
Po' lle canto chistu sturnello
Ch'è capace d′ ′a 'ntussecà:
Fli-ppò, Fli-ppò
Fli-ppò, Fli-ppò
Fiore di primavera!
La donna dice: "Una capanna e un cuore"
Ma, quanno vede ′e ccarte 'e mille lire
Se mette pure cu ′nu scupatore
Parola mia
Parola mia d'onore!
Succede ca mm′accatto 'nu giurnale
E trovo scritto: "Rosa Imperatore
Oggi si sposa... con il tal dei tali"
E chist' è ′o juorno ca mm′aggi' ′a spassà
Faccio 'na cosa semplice
Ca ll′ha da fà svenì
Dice: "Ma che lle faje?" Mo v' ′o dich'i'!
Mme ne jesco c′ ′o mandulino
E mme metto sott' ′o purtone
Quanno arrivano gli sposini
Io lle cumbino 'n′accordo in "Fa"
Po' lle canto chistu sturnello
Ch′è capace d' 'e ffà schiattà:
Fli-ppò, Fli-ppò
Fli-ppò, Fli-ppò
Fiore di primavera!
Chist′è ′nu matrimonio per amore
Ma tu, mio caro sposo, sta' sicuro
C′a San Martino vaje a fà 'o priore!
Parola mia
Parola mia d′onore!