Lyrics Stuntman - Samoerai

Soms vien ek et verschikkelijk, willek et innerlijk bedoarn
Mo kmoe goan, ik kun nie zomo schrikkeln lik de joarn
K′ontwikkelen, tis bikkelhard en ingewikkeld zwoar
Oj deur de storm probeert gebalanceerd et midden te bevoarn

En menshn roepen: "azo ist, zo zit et in mekoar
Dus stop met zoeken" mo tzoeken? dad is ol lange kloar
Ken moe wroeten, woater slikken, koptje oender goan
De plagen van neptunus ek volledig moeten oendergoan

En der is weinig aquaplanning o je de bocht in snelt
Tis vlot geschreven, doarom wordt et ier ook vlot verteld
Je wordt anbeden toet de dag daj niemi volt
Of kop oendergoat, zoender gevolg ziej nie gevolgd

Mo verstoten, verloochend en gebroken
Olene omdat er niet werd gezeid ej de monoloog ontstoken
Mo menshn kriegnn liever eufemismes als e doodsteek
Dan da kritiek up under zien, ze redt vanut et noodweer

Ik wiln nie loopn met de eer van de verhaalverteller
Ik geevn eerlijk wa dak deeln kun in al me letters
Mor oj ant surfen ziet on menshn an de kant stoan
Woaterratten zien mo gin vlamme kun ut de brandsloan

Toen wordt je stap voe stap gefolterd, onbedoeld
"Je ziet oleen e stuntman, je rolletje is cool
Mo kender nix van nut an kerel kom mor ut de pool"
Mor ik zwemn in de vrije ocean op me gevoel

E stuntman, dat wordt je, zo wos et nie bedoeld
Der zien zoveel surfers met een opgefokt gevoel
Ze worden weggelachen en bespot
Als arrogant beschouwd, mo bouwen voer ieder ander man e vlot

E stuntman, dat wordt je, mo zo wos et nie bedoeld
Dorom zien der zoveel surfers met een opgefokt gevoel
Ze worden weggelachen en bespot
Als arrogant beschouwd, mo bouwen voer ieder ander man e vlot

O je jezelvn stelselmoatig wit te onthouden van slichte invloedn
Goj ze onthouden, nie roekeloos achter de winst zoeken
Her-innering: reiteroatie van de introspectieve
Navigoatie zoender bemiddeling

Alice in wonderland, de geest is ut de fles
De wonderlamp is ossan ol anwezig, indirect
Et type bodemspecialist die deur et worm-gat
Terugkomt, en upsomt, wat dat er in de vorm zat

En zit, de storm is de norm is enorm
Is gevormd deur de drang te ontplooien wat dat er is
De neuze fris, zorgt daj de ochtenddauw nie mist
Je leven is omgeven, droait om geven, zoender stress

Torpederend bewegen, nie achterut goan
Ik zien lik nie azo mi an et utgoan
Niemi zo utgoand, eerder vorut-goand
Ok nie no de vooruit goan bluf ek ik vorut goan

Kwiln anstoan, nie utstoan, ik wiln gin babbel sloan
Ik zien e babbeloare mor ik stoan nie achter sloan
E wandeloare die nie wandelt mo de bal ant droain
Oed, ieder afgevoardigede bluft in de koai wroetn

De veerman is zo gevoarlijk lik ze voartuig
De voardigheden van de voarders goan e voart
Nu dat de golf us overspoelt, de wereld ant verzupen
En dedie dien up e planke krupen worden nie gevoeld

E stuntman, dat wordt je, zo wos et nie bedoeld
Der zien zoveel surfers met een opgefokt gevoel
Ze worden weggelachen en bespot
Als arrogant beschouwd, mo bouwen voer ieder ander man e vlot

E stuntman, dat wordt je, mo zo wos et nie bedoeld
Dorom zien der zoveel surfers met een opgefokt gevoel
Ze worden weggelachen en bespot
Als arrogant beschouwd, mo bouwen voer ieder ander man e vlot