Lyrics Storta va’… deritte vene - Sergio Bruni

Te pare 'nu mistero
Ca stongo sempe allero
Da ch'hê saputo ca sto' ruvinato?
Embè, me so' cagnato
Me songo rassignato
Mo penzo sulo a mme
Io curo 'e nierve mieje cu 'sta ricetta
E benedico a chillo ca ll'ha fatta

Storta va... deritta vene
Sempe storta nun po' ghì
Spisso 'o mmale porta 'o bbene
Po' tardà ma ha dda venì
Nun me spostano manco 'e ffemmene
Si minacciano 'e 'nfamità
Nun me piglio cchiù 'n'ombra 'e collera
Quanta felicità. Quanta felicità
Sarrà 'stu sole 'e 'sta città
Sarrà 'stu mare ca sta cca
Sarrà chi 'o ssape che sarrà
Ca tutte 'e guaje me fa scurdà

'O ppuorte scritto 'nfronte
Ca chiagne e te turmiente
'a quando 'a biundulella nun t'aspetta
Io nun 'a desse retta
Facesse 'na vendetta pe farla 'ntussecà
Me mettarria a cantà sott'ô balcone
'stu riturnello a suono 'e mandulino

Nun me spostano manco 'e ffemmene
Si minacciano 'e 'nfamità
Nun me piglio cchiù 'n'ombra 'e collera
Quanta felicità. Quanta felicità
Sarrà 'stu sole 'e 'sta città
Sarrà 'stu mare ca sta cca
Sarrà chi 'o ssape che sarrà
Ca tutte 'e guaje me fa scurdà