Lyrics Kopf im Gnack - Skero feat. Monobrother

Bei da Geburt hod scho da Dokta gsogt der Bua is vü zu groß.
Ois wos erm im Weg steht wird zabreslt wir a Toast.
Moch di floch oda Plotz wann die Riesen ollas niedertrampeln.
Sie behindern den Verkehr wie in Wien die Ampeln.
Zwa so longe Lulatsch wie da Skero und da Monobrother
Ham den Überblick und schaun von oben auf eich oba.
Des Riesenradl im Proda war a guades Kuglloga,
Für mei Radl doch des is so riesig, wo soi i des zuwe lana.
Wir san scho ganz buglad nur aus Solidarität wegn eich Zwutschgal
Missn wir uns buckn weil ma sunst ka Wort versteht.
Sie dupfen die am Rucken und beschwern se das nix seng,
Duck de und geh zruck du verbaust erna den Weg.
Es liegt an meine Gene, es is an mein Voda gleng.
Sie glaum i bin überheblich, wann i a bissl groda steh.
Beim Basketboi dagegen glaubt a jeder glei du host as drauf
Und späda suderns dann, weil du versaust sogor die beste Chance.
Zerst kummt a longer Schottn dann a Fuaß wir a Boot
A Fuaß wir a Boot
Wos wüst dun in der Not
Schrauf des Mikro am Laternenmast, wir kuman im Doppelpack
Do bleibt da de Bappn offen und da Kopf im Gnack
Monobrother: Sog ma wos mocht die Gstermeln auf'm Hochen Ross bloß so bloss,
Nur der Koloss und sei Ko Koloss i schätz dass't a Foto mochst.
Wie si der weiße Landwal do durchs Land schlängelt,
Ma glaubt ma traumtänzelt, ma glaubt der Verstand kränkelt.
A longes Elend aufsehnerregend, der Schädl is oft einsam in Raumhöhe schwebend
Is a gonz öde Gegend do herom. Die Luft is dünn, I schiab die Wolken weg
Und ganz Wiendobuna hauts die Lod oba. Fresko Mono Leptosomo, kumm check die Verwandten,
I hob kan anzigen Schrank im Stammbaum nur lauter Schranken.
I Geh zum reden in die Knia, do hot mi des Zivildienerleben inspiriert.
I bin a Langos, a Schlaxmann, a Bohnenstong, a Lulatsch die Mamsch a hechere Tochter
Wie Laura Rudas und da Papa a Strichmandal.
Mei Genpool des Resultat von am Big Panschal nix Flankal.
Zerst kummt a longer Schottn dann a Fuaß wir a Boot
A Fuaß wir a Boot
Wos wüst dun in der Not
Schrauf des Mikro am Laternenmast, wir kuman im Doppelpack
Do bleibt da de Bappn offen und da Kopf im Gnack