Lyrics Marra Fi Ghnina (Soapkills Remix) - Soapkills

دخلت مره في جنينة
اشم ريحة الزهور
واهنّي نفسي الحزينة
واسمع نشيد الطيور
بصيت لاقيت عالغصون
بلبل ووياه وليفته
عايش معاها في سكون
انا فرحت اما شوفته
فارد جناحه عليها
وبيراعيها بحنان
وهو من حبه ليها
غني لها لحن الامان
وقالها يا ملاكي
اللي تعوزيه هتلاقيه
روحي وعقلي فداكي
حبيبك اوعي تسيبيه
وبعد مدة طويلة
في شرب كاس الوصال
لاقيت حبيبته الجميلة
ساقت عليه الدلال
طارت ماسألتش فيه
وخلفتله العذاب
مسكين . يا روحي عليه
قلبه من الوجد داب
سهر يعد النجوم
والبدر شاهد عليه
طالت عليه الهموم
وبس يصبر بإيه
واللي كمان زاد عذابه
وليفته لافت لغيره
وزودتله مصابه
وساء يا روحي مصيره
خرجت صعبان عليّ
حالته تبكّي الجماد
حفظ ودادها وهي
خانت عهود الوداد