Lyrics Serenata Napuletana - Teresa De Sio

Dimme, dimme a chi pienze assettata
Sola sola, addereto a 'sti llastre?
'Ncopp'ô muro, 'e rimpetto, stampata
Veco 'n'ombra, e chest'ombra sì tu

Fresca è 'a notte e 'na luna d'argiento
Saglie 'ncielo e cchiù ghianca addeventa
E 'nu sciato, ogne tanto, d' 'o viento
Dint' all'aria se sente passà

Ah, che notte, ah, che notte!
Ma pecché nun t'affacce?
Ma pecché, ma pecché mme ne cacce
Catarì, senza manco parlà?

Ma ce sta 'nu destino
E io ce credo e ce spero
Catarì, nun è overo:
Tu cuntenta nun sì

Catarì, Catarì
Tu cuntenta nun sì
Catarì, Catarì
Tu cuntenta nun sì

Catarì, Catarì, t'hê lassato
Tutto 'nzieme 'l'ammore è fernuto
Tutto 'nzieme t'hê scivete a 'n'ato
Mm'hê 'nchiantato e t'hê ditto: Bonnì!

E a chist'ato ca tu mo vuò bbene
Staje penzanno e, scetata, ll'aspiette
Ma chist'ato, stasera, nun vene
E maje cchiù, t' 'o ddich'io, venarrà

No! Nun vene, nun vene
Ll'aggio visto p' 'a strata
Cammenà, core a core, cu 'n'ata
E, redenno, parlavano 'e te

Tu sì stata traduta
Tu sì stata lassata
Tu sì stata 'nchiantata
Pure tu, pure tu

Catarì, Catarì
Tu cuntenta nun sì
Catarì, Catarì
Tu cuntenta nun sì