Lyrics Palomma E' Notte - Teresa De Sio

Tiene mente 'sta palomma
Comme gira e comm'avota
Comme torna n'ata vota
Sta ceròggena a tentá!

Palummè' chist'è nu lume
Nun è rosa o giesummino...
E tu, a forza, ccá vicino
Te vuó mettere a vulá!...

Vatténn' 'a lloco!
Vatténne, pazzarella!
Va', palummella e vola
E torna a st'aria
Accussí fresca e bella!...

'O bbi' ca i' pure
Mm'abbaglio chianu chiano
E che mm'abbrucio 'a mano
Pe' te ne vulé cacciá?...

Vola e va', palomma 'e notte
Dint'a ll'ombra addó' si' nata...
Torna a st'aria 'mbarzamata
Ca te sape cunzulá...

Dint' 'o scuro e pe' me sulo
'Sta cannela arde e se struje...
Ma ch'ardesse a tutt'e duje
Me putesse cunzulá...

Vatténn' 'a lloco!
Vatténne, pazzarella!
Va', palummella e vola
E torna a st'aria
Accussí fresca e bella!...

'O bbi' ca i' pure
Mm'abbaglio chianu chiano
E che mm'abbrucio 'a mano
Pe' te ne vulé cacciá?...