Lyrics Ons durp - Vlooientrappers

De strevalje in de Voorstrate op d'n hoek
Bie Plie om un oare broek
Slagerij PC van As
Mee Piet Mees nog in t café
T zei je musschien we nie zovee
Mae t is zo at ier vroeher was

'T Durp, me wete oe at was
Een riekgevulde hemèentekas
Jin hemeente: ons waere tehen
Want herindelingspolletiek
Brocht onze centen nae Smerdiek
Me 'n è dur niks vó truggekrehe

In liep je langs 't Leguut of d'ikke-polder
Dan zag je boereknechten op ut land
In an 't Veer vertrok 't pontje
Die brocht je nae d'n overkant

Poters bie Duune in bie Quist
An 't polderkoaitje wier hevist
Bie slieter Ampt kú j'om drank
J'ô wa bie bakker Bôôt gekocht
Ut wier deur Japje rondgebrocht
Zo kwam 't brôôd ier op de plank

Bie Ommel wier nog hedraineerd
Bie Vos je fiets herippere bie Ko om spiekers, krammen, schroeven
Bie Bevelander in de rij
Wachtend tot à Alie zei
"Wil je musschien een stikje proeve"
In in de frietzaek van van Dieke
Dae wier je voor een stuver opgelicht
Want schepten Riet friet in een zakje
Dan neep ze die van onder dicht

In ons durp, musschien weet je 't nog wel
Plotseling weer die arde bel
Een kleine boodschap in t verschiet
'T gieng nie om een rondje bier
Mae 't was weer "heden oud papier"
Volhens Cent Niemansverdriet

Lindhout, hôôi kolen op 't vuur
'T Smidsklokje kiek nie op un uur
Bie Kievit woste, spek in knuven
Bie Vroegop rook t nae sigaar
Die was van Baptist Tholeraer
Die kwam dae wekeliks mee z'n duven

Wat à nôôit veranderd al die jaeren
Me viere nog steeds karemus
In ê 'j hin held meer voor un rondje
Dan aele m' ut uut d' erfenis